„Við gerðum kjarasamningana á þessari forsendu, að það voru allar aðstæður til þess að við gætum náð verðbólgunni niður fyrir verðbólgumarkmið Seðlabankans. Þessir kjarasamningar eru að skila kaupmætti.“

Þetta segir Gylfi Arnbjörnsson, forseti ASÍ, í tilefni af nýrri mælingu Hagstofunnar á hækkun neysluverðsvísitölunnar í febrúar.

Verðbólgan hefur verið á hraðri niðurleið að undanförnu og mælist ársverðbólgan í febrúar 2,1%, að því er fram kemur í umfjöllun um verðbólguna í Morgunblaðinu í dag. Hún er komin niður fyrir 2,5% verðbólgumarkmið Seðlabankans. Lækkun verðbólgunnar var eitt meginmarkmið kjarasamninganna á almenna vinnumarkaðinum sem gerðir voru í desember. „Þetta sýnir með ótvíræðum hætti að þetta var hægt og hefur gengið eftir. Verkefnið er að viðhalda stöðugu umhverfi áfram,“ segir Þorsteinn Víglundsson, framkvæmdastjóri SA.

Tengdar fréttir

Kjarasamningar SA og ASÍ

Verkalýðshreyfingin tilbúin ef aðrir verða það

• Vilja skoða sameiginleg samningsmarkmið
• Viðburðarík vika fram undan í deilunni
• Forseti ASÍ: Engin pressa frá Eflingu
• Vinir Kópavogs láta ekki deigan síga

» Fleiri tengdar fréttir