Sluppu úr snjóflóði á Vífilsfelli

Vífilsfell er 655 metra hátt og vinsælt göngufjall enda rétt ...
Vífilsfell er 655 metra hátt og vinsælt göngufjall enda rétt við borgarmörkin og útsýnið fagurt. mbl.is/Ómar Óskarsson

„Við heyrðum rosalegan hvell undir okkur, eins og fallbyssuskot inni í fjallinu, litum hvor á annan og sáum svo hvernig jörðin byrjaði að gliðna undir okkur,“ segir Gísli Kristján Gunnsteinsson, sem þakkar fyrir að hafa sloppið heill á húfi úr stuttri fjallgöngu rétt við borgarmörkin um helgina.

„Þetta er eins og í bíómyndunum, manni finnst eins og hver sekúnda sé mínúta, en eflaust hafa ekki nema nokkur sekúndubrot verið liðin áður en við uppgötvuðum að við vorum lentir í miðju snjóflóði.“

Gísli segir þetta áminningu um að ekki megi vanmeta fjöll þó þau séu við borgarmörkin. Gísli var á niðurleið af Vífilsfelli ásamt félaga sínum og hundi þegar fjallshlíðin fór af stað undir fótum þeirra. Hann áætlar að flóðið hafi verið milli 300 og 500 metra langt, en þeir bárust sjálfir um 40-50 metra niður hlíðina áður en flóðið stöðvaðist.

Stærðarinnar harðfennisflekar

„Við sluppum sem betur fer ágætlega frá þessu og erum tiltölulega heilir en félagi minn tognaði illa á annarri löppinni,“ segir Gísli.

„Þetta var ekki púðursnjór heldur flekaflóð þar sem snjórinn helst saman og hnullungarnir voru á stærð við kommóður og upp í heilu bílana. Þú pompar þarna á milli og getur ekkert klifrað upp úr þessu, þetta var það stórt. Þannig að þetta var bara guð og lukkan.“

Sjálfur náði Gísli að sögn að halda sér ofan á krapinu en félagi hans, sem var aðeins neðar dróst ofan í flóðið. „Hann sagði mér eftir á að hann hefði bara alveg frosið, þrátt fyrir að vita réttu „handtökin“. Maður hefur heyrt að maður eigi að reyna að synda í þessu og ég reyndi það eins og ég gat, en ég hafði enga stjórn. Maður reynir, en ræður ekki neitt við neitt.“

Þakkar fyrir að ekki fór verr

Gísli og félagi hans eru báðir vanir útivistarmenn og hafa gengið á flest helstu fjöll Íslands. Þeir voru búnir ísöxum og broddum vegna færðarinnar en Gísli segir að eftir á að hyggja hefðu þeir átt að vita betur. Hann segir þessa lífsreynslu hafa verið ágætis áminningu sem fari í reynslubankann, og þakkar fyrir að ekki fór verr.

„Það er auðvelt að vera vitur eftir á. Við hefðum alveg getað sagt okkur sjálfir að það væri snjóflóðahætta, þarna var harðfenni undir nýföllnum snjó og blautt í snjónum. Manni hættir til að hugsa aðeins öðru vísi af því að þetta er svo nálægt Reykjavík. En þetta er alvörufjall, alveg sama hvort það er við hliðina á borginni eða úti á landi,“ segir Gísli.

„Héðan í frá munum við passa upp á að vera með snjóflóðaýlur og skóflu með í svona, það er ekki nóg að vera bara með brodda og exi. Þetta er ekkert grín.“

Gísli Kristján ásamt hundinum Dreka innan um flekana úr snjóflóðinu. ...
Gísli Kristján ásamt hundinum Dreka innan um flekana úr snjóflóðinu. Honum var brugðið en létt þegar ljóst var að þeir höfðu sloppið heilir á húfi. Ljósmynd/Úr einkasafni
Vífilfelsfell getur verið erfitt uppgöngu að vetri til, um brattar ...
Vífilfelsfell getur verið erfitt uppgöngu að vetri til, um brattar skriður og klappir. mbl.is/Brynjar Gauti
mbl.is

Bloggað um fréttina

Innlent »

Orkupakkinn ræddur aðra nóttina í röð

00:01 Þingfundur stendur enn yfir á Alþingi þar sem fram fer síðari umræða um þriðja orkupakkann svonefnda. Þing­fund­ur hófst klukk­an 13.30. Störf þings­ins voru fyrst á dag­skrá, svo kosn­ing í stjórn Nátt­úru­ham­fara­trygg­inga Íslands og um 14.15 hófst umræða um orkupakk­ann. Meira »

Þristarnir vöktu lukku

Í gær, 23:44 Fjölmargir lögðu leið sína á Reykjavíkurflugvöll í kvöld til að skoða fimm þristavélar, DC-3 og C-47 flugvélar, frá Bandaríkjunum. Vélarnar voru til sýnis á vellinum í kvöld og segir Stefán Smári Kristinsson flugrekstrarstjóri að um einstakt tækifæri hafi verið að ræða. Meira »

Eldur í bifreið í Salahverfi

Í gær, 23:18 Eldur kom upp í bifreið í Salahverfi í Kópavogi á áttunda tímanum í kvöld. Bifreiðin var mannlaus en íbúar í hverfinu voru fljótir að bregðast við og notuðu garðslöngu til að slökkva eldinn, samkvæmt upplýsingum frá varðstjóra slökkviliðsins á höfuðborgarsvæðinu. Meira »

Áskorendaleikur í plokki gefst vel

Í gær, 22:05 Skagfirðingar hafa ekki látið sitt eftir liggja í að hreinsa umhverfi sitt og tína rusl í vor. Frá því Umhverfisdagar hófust 15. maí síðastliðinn í sveitarfélaginu Skagafirði hafa tugir fyrirtækja og félagasamtaka tekið þátt í áskorendaleik og lagt allt kapp á að tína rusl úti í náttúrunni. Meira »

„Hamfarahlýnun af mannavöldum“

Í gær, 21:32 Orðanotkunin í umræðunni um loftslagsvána er ein þeirra mistaka sem gerð hafa verið í umræðu um umhverfismálin að mati Auðar Önnu Magnúsdóttir, framkvæmdastjóra Landverndar. Sjálf er hún hlynnt því að tala um hamfarahlýnun af mannavöldum. Meira »

Segir innheimtustarfsemina lögmæta

Í gær, 20:37 Gísli Kr. Björnsson, eigandi Almennrar innheimtu, segir í samtali við mbl.is að fyrirtækið starfi í fullu samræmi við lög, og að hann hafi upplýst Lögmannafélag Íslands um alla starfsemi fyrirtækisins. Neytendasamtökin hafa gert alvarlegar athugasemdir við starfsemina. Meira »

Skessan rís í Hafnarfirði

Í gær, 20:35 Knattspyrnuhúsið Skessan er nú óðum að rísa við Kaplakrika í Hafnarfirði en stefnt er að því að taka húsið í notkun í seint í sumar. Miklar deilur hafa staðið um byggingu hússins innan bæjarfélagsins. Stálgrindarhúsið er þó tekið að rísa og mun bæta aðstöðu FH mikið. Meira »

Veginum milli Hveragerðis og Selfoss lokað

Í gær, 20:27 Vegarkafla á þjóðvegi 1 milli Hveragerðis og Selfoss verður lokað á morgun og mun lokunin standa yfir til 22. september. Framkvæmdir við breikkun hringvegarins fer fram á þessum kafla, þ.e. milli Gljúfurholtsá og Varmár. Meira »

Flestir í fjölskyldunni arfberar

Í gær, 19:45 Anna Kristrún Einarsdóttir var ein af þeim fyrstu hérlendis til að komast að því að hún bæri stökkbreytt BRCA2 gen, sem eykur líkur á krabbameini verulega, og jafnframt sú yngsta sem leitaði eftir þeirri vitneskju á sínum tíma. Meira »

Áhyggjuefni ef börn mæta verr í skóla

Í gær, 19:31 Það er áhyggjuefni ef það eru fleiri börn sem eru að mæta verr í skóla af því að þá eru þau bara að missa úr mikilvæga menntun sem þau þurfa að fá. Það eru þó mismunandi ástæður sem liggja þar að baki, segir Hrefna Sigurjónsdóttir framkvæmdastjóri samtakanna Heimilis og skóla í samtali við mbl.is. Meira »

Riftun á kjarasamningi komi til greina

Í gær, 19:29 Sólveig Anna Jónsdóttir, formaður Eflingar, segir að til greina komi að rifta nýundirrituðum lífskjarasamningi, bregðist Samtök atvinnulífsins ekki við með viðeigandi hætti. Þetta kom fram í máli Sólveigar í kvöldfréttum RÚV. Meira »

Margar athugasemdir við íbúðakjarna

Í gær, 18:25 Alls bár­ust um 60 at­huga­semd­ir vegna fyr­ir­hugaðrar bygg­ing­ar íbúðakjarna fyr­ir fatlað fólk í Haga­seli í Breiðholti. Umhverfis- og skipulagssvið Reykjavíkurborgar fer yfir allar athugasemdir sem bárust og verður þeim svarað með rökstuðningi. Meira »

Ísland hlaut viðurkenningu fyrir baráttu í jafnréttismálum

Í gær, 18:05 Ísland hlaut í dag viðurkenningu fyrir einarða baráttu fyrir jafnrétti á norrænu viðskiptaráðstefnunni Womenomics í Kaupmannahöfn. Þetta í fyrsta sinn sem land eða þjóð hlýtur slíka viðurkenningu. Meira »

„Þetta er einstakt tækifæri“

Í gær, 17:55 „Þetta er alveg einstakur viðburður,“ segir flugrekstrarstjórinn Stefán Smári Kristinsson. Nóg er um að vera hjá honum á Reykjavíkurflugvelli en milli klukkan 18 og 20 verða fimm svokallaðar þristavélar , DC-3- eða C-47-flug­vél­ar frá Banda­ríkj­un­um, til sýnis á flugvellinum. Meira »

Málshraði MDE skapar vanda

Í gær, 17:51 „Það er ekki galli í meðferð dómstóla á Íslandi að sjá ekki fyrir hvert Mannréttindadómstóllinn sé að fara þremur árum seinna,“ segir Helgi Magnús Gunnarsson vararíkissaksóknari í viðtali við mbl.is um frávísun á máli Jóns Ásgeirs Jóhannessonar og Tryggja Jónssonar frá Hæstarétti. Meira »

Skólahald leggst niður í Grímsey

Í gær, 17:28 Skólahald verður lagt niður í Grímseyjaskóla næsta vetur. Þrír nemendur stunduðu nám við grunnskólann í vetur og tveir í leikskóla en ein fjölskylda er að flytja burt úr eyjunni og eftir verða sitt hvor nemandinn á leikskóla- og grunnskólaaldri. Meira »

Hæstiréttur tekur Spartakusarmálið fyrir

Í gær, 17:15 Hæstiréttur samþykkti í dag að taka fyrir mál blaðamannsins Atla Más Gylfasonar. Hann var fundinn sekur í Landsrétti um meiðyrði í garð Guðmundar Spartakusar Ómarssonar og til að greiða hon­um 1,2 millj­ón­ir króna í miska­bæt­ur. Meira »

Verkfærum stolið úr nýbyggingu

Í gær, 16:12 Brotist var inn í nýbyggingu í Dalbrekku 2-14 í Kópavogi nýlega, en lögreglunni á höfuðborgarsvæðinu barst tilkynning um innbrotið í gær. Meira »

Ráðist á starfsmann Krónunnar

Í gær, 16:09 „Mig langar að benda á að orðið negri er orð sem er aldrei í lagi að nota eða beita eða segja eða skrifa. Þetta er niðrandi orð, og ógeðslegt,“ skrifar Árdís Pétursdóttir í færslu á Facebook fyrir helgina. Ráðist var á eiginmann hennar, Destiny Mentor Nwaokoro, þar sem hann var við störf í Krónunni. Meira »