Oslóartréð fundið!

Oslóartréð tilvonandi.
Oslóartréð tilvonandi. Mynd úr fréttabréfi Dags.

Dagur B. Eggertsson birti í vikulegu fréttabréfi sínu mynd af því sem kemur til með að verða Oslóartréð á Austurvelli þessi jólin. Í bréfinu segir:

„Osló hefur valið tré til að senda okkur þetta árið og borgarstjórinn var að senda mér þessa mynd af því. Mér líst bara mjög vel á það og ekki laust við að maður komist í jólaskap við þessa sjón.

Oslóartréð er ómissandi í aðdraganda jóla og verður áfram. Í ár eins og í fyrra ætlum við að senda Þórshöfn í Færeyjum tré frá Reykjavík. Ég á meira að segja að fá að höggva það sjálfur, undir öruggri handleiðslu Skógræktarfélags Reykjavíkur. Lofa keðjusagarmynd í fréttabréfinu á næstunni!“

Töluverða athygli vakti í vor þegar umræða komst af stað um að Oslóartrén yrðu ekki fleiri . Reykvíkingar þurfa greinilega ekki að hafa áhyggjur af því að sú verði raunin.

Íslendingar fá ekki fleiri jólatré

Oslóartré áfram á Austurvelli

mbl.is

Bloggað um fréttina