Fulltrúar tollstjóra sátu fund allsherjar- og menntamálanefndar í morgun en þar var byssueign lögreglu til umræðu.

Að sögn Unnar Brár Konráðsdóttur, formanns nefndarinnar, óskaði nefndin eftir upplýsingum um tollafgreiðslu á vélum líkt og vopnunum sem voru flutt voru hingað til lands á dögunum frá Noregi.

Samkvæmt 188. grein tollalaga eru starfsmenn tollstjóra bundnir þagnarskyldu um þau atvik sem þeim verða kunn í starfi sínu eða vegna starfs síns og því var aðeins hægt að ræða almennt um tollafgreiðslu af þessu tagi á fundinum, ekki flutning þessara tilteknu vopna.  

„Almennt er þetta þannig að þegar um er að ræða hervélar innan NATO er undanþága í lögum frá hefðbundnum tollskoðunum,“ segir Unnur Brá í samtali við mbl.is. Ef flytja á inn vopn þarf aftur á móti að leggja fram farmskrá.

Nefndin hefur að undanförnu fengið fulltrúa landhelgisgæslunnar og ríkislögreglustjóra á fund sinn til að skoða umgjörðina í kringum flutning byssanna frá Noregi hingað til lands. Þegar umræðu og athugun nefndarinnar er lokið mun hún senda frá sér stutt álit.

Tengdar fréttir

Vopnaburður lögreglunnar

Boða aftur til mótmæla við lögreglustöðina

• „Ómögulegt að taka skref til baka“
• Arndís ræðir vopnaburð lögreglu við ráðherra
• Erfitt að regluvæða ólíkt mat á málum
• Beint: Forsætisráðherra svarar fyrir samráðsleysi

» Fleiri tengdar fréttir

• Blogga um frétt