Athugun ríkissaksóknara á hópnauðgun sem kærð var í maí á síðasta ári er á lokastigum. Lögregla lauk rannsókn á málinu í lok júní á síðasta ári og fór málið þá til ríkissaksóknara.

Fimm piltar á aldrinum 17 til 19 ára sættu gæsluvarðhaldi um tíma vegna málsins en undir ríkissaksóknara er komið hvort gefin verður út ákæra á hendur þeim öllum. 16 ára stúlka lagði fram kæru á hendur piltunum þann 7. maí á síðasta ári. Piltarnir voru handteknir samdægurs og sátu í gæsluvarðhaldi í eina viku.

Rannsókn málsins hefur verið umfangsmikil, m.a. var lögð fram myndbandsupptaka sem tekin var á síma eins piltanna. Þá voru teknar skýrslur af fjölda fólks, en hópnauðgunin mun hafa átt sér stað í samkvæmi í Breiðholti.

Tengdar fréttir

Ákærðir fyrir hópnauðgun

Fegin að ekki voru tíu í teitinu

• Vafi um sekt skýrður ákærðu í hag
• Sýknaðir af ákæru um hópnauðgun
• Hæstiréttur dæmir í hópnauðgunarmáli
• Hópnauðgunarmálinu áfrýjað

» Fleiri tengdar fréttir

• Blogga um frétt