Fulltrúar á þriðja tug bandarískra dýraverndarsamtaka hafa ritað bréf til Baracks Obama, forseta Bandaríkjanna, og ítrekað fyrri ósk samtakanna um að Ísland verði beitt refsiaðgerðum vegna hvalveiða. Slíkum aðgerðum verði einnig beint sérstaklega að íslenskum fyrirtækjum sem hafi tengsl við hvalveiðar eða önnur fyrirtæki sem stundi þær.

Fram kemur í bréfi dýraverndarsamtakanna, sem eru hluti af regnhlífarsamtökunum Whales Need US (WNUS), eða Hvalir þarfnast okkar, að þau hafi áður sent bandarískum stjórnvöldum hliðstætt bréf í maí á þessu ári. Ennfremur segir að samtökin séu ánægð með þær diplómatísku aðgerðir sem gripið hafi verið til gagnvart Íslandi en ljóst sé að meira þurfi til svo Ísland hætti hvalveiðum.

Tengdar fréttir

Hvalveiðar

Umboðsmaður krefur ráðherra svara

• Kvartar til umboðsmanns
• Segir gjaldþrot Skagans vera áfall og skýtur á VG
• Hvalurinn er ekki að éta neitt megrunarkex
• Ráðuneytið skammti mismunandi gögn

» Fleiri tengdar fréttir

• Blogga um frétt