Eldsvoði í Kópavogi

Einn var fluttur til skoðunar á Landspítalann eftir eldsvoða í Auðbrekku um fimmleytið í nótt. Tilkynnt var um eld í trésmíðaverkstæði í Auðbrekku í Kópavogi rúmlega fimm í nótt og fóru slökkviliðsmenn af tveimur stöðvum á vettvang. 

Að sögn varðstjóra gekk greiðlega að slökkva eldinn en töluverður reykur var í húsnæðinu og er verið að ljúka við að reykræsta. Ekki er vitað um hversu mikið tjónið er en ekki var um mikinn eld að ræða heldur aðallega reyk.

• Blogga um frétt