Bændur á þremur bæjum í Árneshreppi á Ströndum hyggjast bregða búi næsta haust; á Bæ, Finnbogastöðum og Krossnesi.
Þetta er hátt hlutfall bænda í þessu fámenna sveitarfélagi, eða um 30%, en nú er búið þar með sauðfé á tíu bæjum. Bændurnir á Bæ og Finnbogastöðum eru meðal yngstu bænda í Árneshreppi og ljóst að meðalaldur íbúanna hækkar talsvert við brottflutning þeirra.
„Ég óttast að það sem er að gerast hér í þessu litla, afskekkta samfélagi sé nákvæmlega sama sagan og í svo mörgum öðrum sveitum landsins áður,“ segir Þorsteinn Guðmundsson á Finnbogastöðum, í umfjöllun um mál þetta í Morgunblaðinu í dag.