Jafnaðarmenn og sjálfstæðismenn mynda meirihluta

Ástæða þess að meirihlutinn í Fjallabyggð féll var trúnaðarbrestur sem kom upp á milli oddvita Fjallabyggðarlistans og annarra bæjarfulltrúa meirihlutans, en í meirihlutanum voru einnig jafnaðarmenn í Fjallabyggð. Í framhaldinu voru teknar upp viðræður milli jafnaðarmanna og Sjálfstæðisflokks um meirihlutasamstarf. Fyrir liggur málefnasamningur sem bíður samþykktar flokkanna á næstu dögum.

Þetta segir í tilkynningu frá Steinunni Maríu Sveinsdóttur, oddvita jafnaðarmanna í Fjallabyggð. mbl.is greindi frá því á föstudaginn að meirihlutinn væri fallinn.

Í tilkynningunni kemur fram að jafnaðarmenn harmi að til þessa hafi komið, en þakki því góða fólki sem standi að Fjallabyggðarlistanum fyrir gott og árangursríkt samstarf. 

Ekki hefur náðst í fulltrúa flokkanna í dag eða gær.

• 1 blogg um fréttina

Bloggað um fréttina

• Hörður Halldórsson: Af hverju ekki er sami háttur hafður á í landsmálunum …