Nokkuð fjölmennt er á samstöðufundi sem Félag tónlistarskólakennara efndi til með grunnskólakennurum í samstarfi við grasrótarstarf grunnskólakennara í Iðnó í kvöld. Mikill hiti hefur verið í fundargestum þar sem baráttugleði og söngvar hafa verið áberandi.

Júlíana Rún Indriðadóttir tónlistarkennari vakti athygli á að samningar við tónlistarkennara hafa verið lausir í um ár. Hún hvatti til áframhaldandi samstöðu kennara.

„Enn og aftur erum við í þessari stöðu,“ segir Júlíana og vakti athygli á kjarabaráttu kennara. 

„Það er dapurlegt að mikilvægi kennarastarfsins endurspeglast ekki í launum,“ sagði hún jafnframt. Hún ræddi um kennarastarfið og benti meðal annars á að ungir grunnskólakennarar endast ekki lengi í starfi og að kennarar eiga erfitt með að takast á við aukið álag sem fylgir síbreytilegu starfi kennarans í nútímasamfélagi.  

Tengdar fréttir

Kjaradeila kennara

Samningurinn ekki nógu góður

• Eingreiðsla og vinnumat fellt út
• Grunnskólakennarar undirrita kjarasamning
• Fáir kennarar stóðu við uppsagnir
• Starfið þurfi að vera samkeppnishæft

» Fleiri tengdar fréttir

• Blogga um frétt