Leita félaga til að setja heimsmet með

Sigríður Ýr Unnarsdóttir og Michael Reid vilja fá fólk til ...
Sigríður Ýr Unnarsdóttir og Michael Reid vilja fá fólk til að setja með sér heimsmet á hlaupahjólum. Ljósmynd/Úr einkasafni

Þau Sigríður Ýr Unnarsdóttir og Michael Reid eru þegar á skrá yfir heimsmethafa Guinness. Þau vilja hins vegar gjarnan bæta öðru meti í safnið og leita nú hér á landi að 22 félögum sem eru til í að reyna að slá með þeim metið yfir lengstu vegalengd sem farin er á hlaupahjóli á einum sólarhring.

„Við viljum fá með okkur skemmtilegt fólk sem er til í að taka þátt og gera þetta að skemmtilegu ævintýri,“ segir Sigríður Ýr. Þau ætla að kynna heimsmetstilraunina á Gló í Fákafeni næsta sunnudag og vonast til að fá þá fleiri í lið með sér. „Við ætlum að bjóða áhugasömum að prófa æfingahjólin okkar og svo erum við líka að spá í að setja upp tímatökubraut,“ segir hún.

Metið þarf að setja á löglegri jafnsléttu

Heimsmetið ætla þau síðan að reyna við í september innanhúss, enda er eitt af skilyrðum Guinness að heimsmetstilraunin sé gerð á „löglegri jafnsléttu“ sem ekki fer mikið fyrir utandyra hér á landi. Þau hafa því hug á að setja upp 100 metra langa boðhlaupsbraut innanhúss og eru nú að skoða ýmis íþróttahús með þetta í huga.

Vasahjólið ber nafn með rentu. Sigríður Ýr og félagar áður ...
Vasahjólið ber nafn með rentu. Sigríður Ýr og félagar áður en lagt var af stað í 2500 km ferðalag. Ljósmynd/Sigríður Ýr

„Okkur reiknast til að við þurfum að meðaltali að vera að fara 100 metra braut á 15,4 sekúndum til að ná 560 km,“ segir hún. Núverandi heimsmet var sett í Bandaríkjunum í maí 2014, þegar 10 manna lið „The Night Razors“ lagði að baki 553,72 km vegalengd á einum sólarhring. 

Nái þau að koma saman 25 manna liði, sem er hámarksfjöldi samkvæmt reglum Guinness, felur það í sér að hver og einn þarf að leggja að baki 234 ferðir að meðaltali, en auk þeirra Sigríðar Ýr og Michaels er hjólagarpurinn Bjartur Snorrason í liðinu.

Snýst ekki bara um líkamlegan styrk

Þegar þau Sigríður Ýr og Michael settu sitt fyrra heimsmet, með því að leggja að baki 2.500 km vegalengd á svo nefndu vasahjóli (e. pocket bike) í Bandaríkjunum síðasta haust, var með þeim í för maður að nafni Chris Fabre. „Þar vorum við með mótorhjólasérfræðing og nú erum við með reiðhjólasérfræðing með brjálað úthald,“ segir Sigríður, en öll þrjú vinna þau sem jöklaleiðsögumenn. „Bjartur er búinn að taka þátt í WOW Cyclothon og er í alveg hörku hjólaformi.“

Hlaupahjólið er eins og flestir eiga að venjast, en dekkjastærðin ...
Hlaupahjólið er eins og flestir eiga að venjast, en dekkjastærðin ætti að gera þátttakendum auðveldar um vik að slá metið.

Það er þó ekkert skilyrði að hafa tekið þátt í hjólakeppni áður, en Sigríður segir liðsmenn þó þurfa að vera í ágætis formi. „Við þurfum ekki endilega atvinnumenn, en fólk þarf að vera tilbúið í þessa áskorun. Þetta snýst ekki bara um líkamlegan styrk, því það þarf líka andlegan styrk til að ná að halda þetta út.“

Þó gamanið ráði för þá hafa þau samt lagt töluverða útreikninga í dæmið nú þegar og stefna þannig á að nota fjögur hlaupahjól, þannig að einn geti alltaf verið tilbúinn að leggja af stað er sá næsti kemur að brautarendanum. Hjólin verða ekki heldur þessi hefðbundnu hlaupahjól  sem fólk á að venjast, heldur með öllu stærri dekkjum.

„Samkvæmt reglum Guinness þá má ekki vera búið að breyta hlaupahjólinu á neinn hátt, en engin takmörkun er hins vegar sett á dekkjastærðina. Við vitum að því stærri sem dekkin eru því auðveldara er að hjóla á þeim og því teljum við okkur fá ákveðið forskot með því að vera á keppnishjólum með stærri dekk.“ Fjögur slík hjól, sem hvert kostar um 100.000 kr., eru nú á leið til landsins.

Gaman að taka nýjum áskorunum

Heimsmetið á vasahjólinu fengu þau staðfest í október á síðasta ári og með næstu áskorun í huga leikur blaðamanni forvitni á að vita hvort Sigríður Ýr sé mögulega hjólaóð?

„Nei alls ekki,“ svara hún. „En ég hef gaman af að hreyfa mig og taka nýjum áskorunum. Alveg eins og ég hafði aldrei prófað vasahjól áður ég lagði upp í þá ferð, þá hef ég heldur aldrei verið á hlaupahjóli meira en bara til gamans.“

„Mér fannst þetta skemmtileg áskorun og okkur finnst vera gerlegt ...
„Mér fannst þetta skemmtileg áskorun og okkur finnst vera gerlegt fyrir okkur að setja þetta met,“ segir Sigríður Ýr. Ljósmynd/Úr einkasafni

„Mér fannst þetta skemmtileg áskorun og okkur finnst vera gerlegt fyrir okkur að setja þetta met,“ segir hún. „Við sjáum þetta líka sem góða leið til að mynda skemmtilegt samfélag á Íslandi. Það er svo líka ágætisgulrót að komast í heimsmetabók Guinness.“

Þau vonast líka til að geta látið gott af sér leiða með áheitasöfnun í tengslum við heimsmetatilraunina.  „Við vorum svolítið sjálfselsk í því,“ segir Sigríður Ýr. „Við erum öll að vinna á jöklum og erum í góðu samstarfi við björgunarsveitirnar. Það var þess vegna með málefni líðandi stundar í huga sem okkur langar að styrkja björgunarsveitirnar með þessu framlagi.“ Hún segir þau vera búin að ræða við markaðsstjóra Landsbjargar, sem hafi verið þakklátur fyrir að þau skuli vilja safna áheitum með þessum viðburði.

mbl.is

Innlent »

„Notkun glýfosfats óæskileg“

14:15 Umhverfis- og auðildaráðherra segir notkun glýfosfats, sem finna má í flestum illgresiseyðum, óæskilega. Hann segir mikilvægt að fólk hugsi um hvaða efni það notar og spyrji sig að því hvort sú notkun sé nauðsynleg. Meira »

Láta gott af sér leiða eftir Fiskidaginn

14:09 Kræsingar sem urðu afgangs eftir Fiskidaginn mikla verða nýttar til góðra málefna svo ekkert fari til spillis. Samhjálp fær veglegar matargjafir og eins verður slegið til veislu á hjúkrunarheimilinu Mörkinni. Samskip flytur matinn frítt til Reykjavíkur. Meira »

Funda aftur í lok mánaðarins

13:39 Annar fundur í kjaradeildu Norðurflugs og Félags íslenskra atvinnuflugmanna hjá ríkisáttasemjara var haldinn í morgun.  Meira »

Viku af „ólögmætum fundi“

13:13 Fulltrúar Sjálfstæðisflokksins í skipulags- og samgönguráði Reykjavíkurborgar telja fund ráðsins sem nú stendur yfir ólögmætan, enda sé ekki rétt staðið að boðun fundarins. Fulltrúar flokksins ákváðu að víkja af fundi ráðsins í morgun vegna þessa. Meira »

Alvarlegur utanvegaakstur á Fjallabaki

13:00 Bifhjól í utanvegaakstri unnu miklar skemmdir á gróðri á stóru svæði á Fjallabaki, við veginn að Hófsvaði og Ljótapolli, í gærmorgun. Landvörður á svæðinu segir þetta alvarlegast tilfellið í sumar, en engar vísbendingar hafa borist um hverjir gætu hafa verið þarna að verki. Meira »

Kynnir hugmyndir um þjóðgarðastofnun

12:54 Á næstu vikum mun umhverfis- og auðlindaráðherra funda víða um land til að kynna drög að frumvarpi um nýja þjóðgarðastofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar. Meira »

Bubbi ætlar ekki að áfrýja

12:50 Tónlistarmaðurinn Bubbi Morthens ætlar ekki að áfrýja meiðyrðadómi í máli Steinars Bergs gegn sér. RÚV hefur hins vegar ekki ákveðið hvort dóminum verði áfrýjað, en Steinar bendir í yfirlýsingu á að sá frestur sem stofnunin hafði til að fara að tilmælum dómsins sé nú liðinn. Meira »

Náttúruöflin áþreifanleg í Hítardal

12:38 Finnbogi Leifsson, bóndi í Hítardal, segir óvissuna sem sprungan í Fagraskógarfjalli veldur vera óþægilega. Best væri, að hans sögn, ef hrunið færi af stað sem fyrst til þess að uppbygging geti hafist sem fyrst eftir náttúruhamfarirnar 7. júlí. Meira »

Innkalla 125 KIA-bifreiðar

11:30 Bílaumboðið Askja hefur innkallað 125 KIA Niro Hybrid bifreiðar af árgerðinni 2016-2017. Ástæða innköllunar er að orðið hefur vart við galla í rafmagnsvökvakúplingu sem getur valdið olíuleka. Meira »

Fór húsavillt í morgunsárið

11:30 Lögreglunni á höfuðborgarsvæðinu barst tilkynning á sjöunda tímanum í morgun um að verið væri að banka á glugga íbúðar í hverfi 105 en sá sem leitaði til lögreglunnar sagðist ekki kannast við kauða. Meira »

Ágúst Valfells forseti tækni- og verkfræðideildar HR

09:54 Dr. Ágúst Valfells hefur verið ráðinn forseti tækni- og verkfræðideildar Háskólans í Reykjavík frá og með 1. ágúst. Hann tekur við stöðunni af Dr. Guðrúnu Sævarsdóttur sem hefur verið forseti deildarinnar frá árinu 2011. Meira »

Rök um lengd einangrunar standist ekki

09:03 Hundaræktarfélag Íslands telur rök um lengd einangrunar gæludýra ekki standast og kallar eftir áhættumati landbúnaðarráðuneytis sem átti að vera tilbúið í apríl. Morgunblaðið fjallaði í gær um grein þriggja vísindamanna sem segja sníkjudýr hafa borist með innfluttum gæludýrum í íslenska dýrastofna. Meira »

Var í ljósum logum er slökkvilið kom

08:35 Miklar skemmdir urðu á pökkunarhúsi sem eldur kom upp í að Reykjaflöt á Flúðum í gærkvöldi. Þetta segir Pét­ur Pét­urs­son, slökkviliðsstjóri Bruna­varna Árnes­sýslu. Pökkunarstöðin var í ljósum logum er slökkvilið kom á vettvang. Tildrög eldsins eru nú til rannsóknar hjá lögreglu. Meira »

Kraftaverk eftir maraþon

08:18 „Þótt mínu maraþoni sé hvergi nærri lokið mun styrkurinn sem þið hafið gefið mér nýtast mér út það allt. Reykjavíkurmaraþonið gerði kraftaverk fyrir mig, og þegar ég verð orðin nógu kraftmikil ætla ég að hlaupa og láta gott af mér leiða og þá vonandi gera kraftaverk rétt eins og gert var fyrir mig.“ Meira »

„Túristavörtur“ valda jarðvegsrofi

07:57 „Sumir kalla þetta túristavörtur, það segir nú sitt. Ein varða kallar á fleiri vörður,“ segir Árni Tryggvason leiðsögumaður.  Meira »

Einstæðir foreldrar ekki í forgang

07:37 Börn einstæðra foreldra njóta ekki forgangs við vistun á frístundaheimili. Þetta segir Soffía Pálsdóttir, skrifstofustjóri frístundamála hjá Reykjavíkurborg. Meira »

Kólnandi veður í kortunum

06:36 Útlit er fyrir kólnandi veður á föstudag en í dag verður hlýjast suðvestan til. Hlýtt verður í veðri sunnanlands á morgun í norðanátt og er talið að hitinn nái allt að átján gráðum þar sem hlýjast verður. Meira »

Gagnrýnir Skipulagsstofnun fyrir tafir

05:30 Elliði Vignisson, nýr sveitarstjóri Ölfuss, segir sveitarfélagið vera afar ósátt við þá töf sem orðið hefur á afgreiðslu Skipulagsstofnunar á tillögu að nýju deiliskipulagi fyrir Hveradalasvæðið. Meira »

Ágætis veðri spáð á Menningarnótt

05:30 Útlit er fyrir ágætis veður á Menningarnótt í Reykjavík á laugardaginn, að sögn Haraldar Eiríkssonar veðurfræðings á Veðurstofunni. Meira »
KTM 1090 Adventure R árg. 2018 á lager
"Farðu alla leið" frábært ferðahjól, aðeins 207 kg. 125 hp. 6 gíra. Mikið úrval ...
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
Verslunarhúsnæði, Bolholti 4
Til leigu 170 fm. verslunarhúsnæði í Bolholti 4. næsta hús fyrir aftan bensins...
Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...