Hlutfall þeirra sem eru á leigumarkaði er fimm prósentustigum hærra en árið 2008.
Þá voru 12 prósent á leigumarkaði en eru 17 prósent nú, segir í niðurstöðum nýrrar viðhorfskönnunar sem Íbúðalánasjóður gerði meðal almennings um stöðu húsnæðismála og var kynnt í gær.
Þá telja aðeins 45% leigjenda sig búa við húsnæðisöryggi en 91% þeirra sem búa í eigin húsnæði, að því er fram kemur í umfjöllun um mál þetta í Morgunblaðinu í dag.