Ökumaður slapp ómeiddur úr bílveltu

Bíll valt í Hrútafirði í dag. Ökumaður bílsins slapp ómeiddur og komst út úr bílnum af sjálfsdáðum en bíllinn er gjörónýtur. Ökumaðurinn, sem er Íslendingur, missti stjórn á bílnum á beygju á malarvegi í vestanverðum firðinum. 

Á fimmta tímanum varð umferðaróhapp í Blönduhlíðinni í Skagafirði. Ekki er vitað að svo stöddu um alvarleika þess. 

Þung umferð á Norðurlandi og Norðurlandi vestra 

Mikil og þung umferð er á Norðurlandi og Norðurlandi vestra. Bíladögum lauk í gær, 17. júní, á Akureyri. Að sögn lögreglunnar á Akureyri hefur umferðin bæði til og frá Akureyri verið talsvert þung en hefur gengið stóráfallalaust fyrir sig. Lögreglan hvetur jafnframt ökumenn til að keyra með gát.  

• Blogga um frétt