Félag íslenskra náttúrfræðinga (FÍN) hefur vísað kjaradeilu sinni við fjármálaráðherra f.h. ríkissjóðs til ríkissáttasemjara en félagið hefur átt í viðræðum við samninganefnd ríkisins (SNR) um endurskoðun kjarasamnings aðila frá því í lok ágúst sl.
Þetta kemur fram á vef félagsins.
Þar segir að helstu kröfur félagsins séu:
- Bætt kjör í stað lakara lífeyriskerfis.
- Félagið gerir kröfu um að staðið verði við gefin loforð vegna 7. gr. samkomulags um breytingu á lífeyrisréttindum opinberra starfsmanna.
- Leiðrétta þarf launakjör nýráðinna ríkisstarfsmanna þannig að þau verði sambærileg við almenna markaðinn.
- Brýnt er að taka fyrstu skref í að leiðrétta launakjör þessa hóps.
- Ótækt er að þessi hópur verði látinn bíða í 6-10 ár eftir launaleiðréttingu, þar sem almenni markaðurinn hefur nú þegar fengið bætt lífeyriskjör.
- Launahækkanir á samningstímabilinu.
- Launahækkanir séu ekki lakari en ríkið hefur nú þegar samið við aðra hópa.
- Að lágmarkslaun verði 400.000 kr. frá og með 1. júní 2017 og taki hækkunum á samningstímabilinu.
- Að lífaldurstengingar í launatöflum félagsins verði afnumdar, þar sem um ómálefnalega mismunun er að ræða.
- Að menntun sé metin til launa.
- Láglaunastefna löguð á einstökum stofnunum ríkisins.
- Tekið verði sérstaklega á láglaunasetningu einstakra starfa innan ríkisstofnana, lögð áhersla á að styrkja og þróa launakerfið á stofnunum ríkisins.
Þá segir, að samninganefnd ríkisins hafi ekki orðið við neinum kröfum félagsins en í stað boðið félaginu framlengingu á núverandi samningi fram til marsloka 2019, sem þýði 0% launahækkun. Því hafi stjórn FÍN ákveðið að vísa kjaradeilu sinni við ríkið til ríkissáttasemjara.