Katrín hafði samband í gær

Guðmundur Ingi Guðbrandsson.
Guðmundur Ingi Guðbrandsson.

„Þetta leggst bara ágætlega í mig. Ég er kannski bara fyrst og fremst auðmjúkur og þakklátur fyrir þetta traust sem mér er sýnt,“ segir Guðmundur Ingi Guðbrandsson, nýr umhverfisráðherra, spurður hvernig það legðist í hann að vera orðinn stjórnmálamaður.

Spurður hvort ekki gæti verið erfitt að skipta úr því að vera í forsvari fyrir hagsmunasamtök og yfir í ráðherraembætti þar sem þyrfti að miðla málum sagði Guðmundur að svo kynni að verða en hann hlakkaði til þess að takast á við þau verkefni eins og önnur.

Guðmundur upplýsti aðspurður að Katrín Jakobsdóttir, formaður Vinstrihreyfingarinnar - græns framboðs, hefði haft samband við hann í gær og beðið hann að taka það að sér að verða umhverfisráðherra og síðan aftur í gækvöldi. Það hefði vissulega komið á óvart.

mbl.is

Bloggað um fréttina