Fjölgunin fylgi fjölgun umsókna
Setja bókamerki
Páll Magnússon, formaður allsherjar- og menntamálanefndar, segir enga sérstaka ástæðu fyrir fjölgun þeirra einstaklinga sem nefndin lagði til að fengju íslenskan ríkisborgararétt. Í dag lagði nefndi til að 76 einstaklingum yrði veittur íslenskur ríkisborgararéttur, en umsóknirnar voru alls 125. Í desember í fyrra voru umsóknir 70 og fengu 31 einstaklingur ríkisborgararétt.
„Augljósasta skýringin er náttúrulega bara sú að umsækjendum hefur fjölgað,“ segir Páll. Segir hann Útlendingastofnun hafa mjög þröngan ramma til þess að veita íslenskan ríkisborgararétt, en fólk þurfi að uppfylla ýmis skilyrði, svo sem um dvalartíma og íslenskukunnáttu.
Alþingi taki svo við þeim málum sem af einhverjum ástæðum falla ekki inn í rammann hjá Útlendingastofnun en mönnum þyki ástæða til að skoða betur, svo sem af mannúðarástæðum.
„Það getur vel verið að þessi ventill ætti að vera einvers staðar annars staðar en á Alþingi en menn hafa komist að þessari niðurstöðu,“ segir Páll. Þá segir hann að margt af þessu fólki myndi alla jafna fá íslenskan ríkisborgararétt innan 18 mánaða eða tveggja ára.
Handteknir eftir myndatöku í Vesturbæjarlaug
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Shakespeare fannst í skókassa
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
Telur forsendur fyrir vaxtalækkun
Skar höfuðleðrið af íslenskri konu