Styrkur svifryks hefur farið hækkandi í það sem af er degi samkvæmt mælingum við Grensásveg og Hringbraut í Reykjavík. Klukkan 14:30 var hálftímagildi svifryks við Grensásveg 204 míkrógrömm á rúmmetra og 100 míkrógrömm á rúmmetra við Hringbraut.

Sólarhringsheilsuverndarmörkin fyrir svifryk eru 50 míkrógrömm á rúmmetra. Heilbrigðiseftirlit Reykjavíkur ráðleggur þeim sem viðkvæmir eru í öndunarfærum og börnum að forðast útivist í návist stórra umferðargatna.

Hægur vindur er og kalt úti, götur þurrar og litlar líkur á úrkomu næstu daga og því má búast við áframhaldandi svifryksmengun næstu daga. Þá má búast við því að svifryksmengun verði yfir heilsuverndarmörkum á nýársdag vegna flugelda og veðurskilyrða.

Tengdar fréttir

Svifryksmengun

„Versti dagur vetrarins“

• Mikil svifryksmengun á höfuðborgarsvæðinu
• Svifryk verður yfir borginni næstu daga
• Vart við mikið svifryk í borginni
• Nagladekk bönnuð eftir 15. apríl

» Fleiri tengdar fréttir

• Blogga um frétt