Héraðsdómur Reykjaness úrskurðaði í dag karlmann í áframhaldandi gæsluvarðhald til 9. febrúar á grundvelli rannsóknarhagsmuna að kröfu lögreglunnar á höfuðborgarsvæðinu.
Maðurinn var handtekinn í síðasta mánuði í þágu rannsóknar lögreglu á kynferðisbrotum.
Þetta kemur fram í tilkynningu frá lögreglunni á höfuðborgarsvæðinu.
Um er að ræða karlmann á fimmtugsaldri sem hefur setið í gæsluvarðhaldi frá 19. janúar, grunaður um kynferðisbrot gegn nokkrum börnum. Fram hefur komið, að maðurinn hafi starfað með börnum og unglingum hjá Reykjavíkurborg og að brotin hafi átt sér stað á sex ára tímabili, frá árinu 2004 til 2010.