Gámarnir tengjast ekki innbrotunum

Gámarnir sem lögreglan í Vestmannaeyjum rannsakaði í dag tengjast ekki innbrotum í gagnaver í Reykjanesbæ og Borgarbyggð í desember og janúar. Tveir Rússar voru handteknir vegna málsins en sleppt að lokinni skýrslutöku.

Frétt af mbl.is

Þýfi úr gagnaverum falið í Eyjum?

Jón Halldór Sigurðsson, lögreglufulltrúi hjá lögreglunni á Suðurnesjum, sagði í samtali við mbl.is að Rússarnir séu ekki grunaðir um neitt saknæmt og hafa þeir öll tilskilin leyfi til reksturs gámaversins í Vestmannaeyjum.

Spurður hvers vegna grunur hefði beinst að gámum Rússanna í Vestmannaeyjum vegna rannsóknar á innbrotunum í kringum áramót kveðst Jón Halldór ekki vilja upplýsa um það í fjölmiðlum þar sem rannsóknin sé á viðkvæmu stigi.

• Blogga um frétt