Opnað fyrir umferð að nýju

Opnað hefur verið fyrir umferð um Suðurlandsveg og sér lögreglan um að stýra henni til að greiða úr þeirri biðröð sem hefur myndast, samkvæmt upplýsingum frá lögreglu.

All­ir þeir sem voru í bíl­un­um tveim­ur sem lentu í árekstri skammt fyr­ir aust­an Kirkju­bæj­arklaust­urs síðdeg­is voru flutt­ir af slysstað með þyrlu Land­helg­is­gæsl­unn­ar á Land­spít­al­ann. Ekki ligg­ur fyr­ir hversu al­var­lega þeir eru slasaðir en þeir voru all­ir með meðvit­und á slysstað. Þyrlan lenti með þá við Landspítalann í Fossvogi um klukkan 19. 

Til­kynnt var um árekst­ur­inn til lög­regl­unn­ar á Suður­landi klukk­an 16:10 og var strax ákveðið að senda tvær þyrl­ur Land­helg­is­gæsl­unn­ar á slysstað. Önnur þyrl­an var síðan aft­ur­kölluð skömmu síðar þar sem ljóst var að hægt væri að flytja þá slösuðu með einni þyrlu á sjúkra­hús. 

Frétt af mbl.is

Þrír fluttir með þyrlu á sjúkrahús

• Blogga um frétt