Framsókn sýknuð af kröfu almannatengils

Framsóknarflokkurinn var sýknaður af kröfu mannsins upp á rúmlega 5,5 ...
Framsóknarflokkurinn var sýknaður af kröfu mannsins upp á rúmlega 5,5 milljónir vegna vinnu við almannatengsl sem framkvæmdastjórn flokksins samþykkti aldrei. mbl.is/Styrmir Kári

Framsóknarflokkurinn var í dag sýknaður í Héraðsdómi Reykjavíkur af kröfu félagsins Forystu ehf. vegna rúmlega 5,5 milljóna kröfu vegna starfa í tengslum við þingkosningar 2016. Í dóminum kemur meðal annars fram að Viðar Garðarsson, eigandi Forystu, hafi ekki átt að tjá sig við fjölmiðla eða greina opinberlega frá því í hverju meint starf hans fyrir flokkinn var fólgið. Þá kemur einnig fram að eiginmaður borgarfulltrúa hafi verið fenginn til að framkvæma greiningu á því „hvaða blaðamenn voru að skrifa hvað“ og „hverjir hefðu verið Sigmundi Davíð [Gunnlaugssyni] erfiðastir“.

„Akkúrat maðurinn sem þyrfti“

Forsaga málsins nær til fyrri hluta ársins 2016 þegar Panama-skjölin höfðu verið mikið í umræðunni. Guðfinna Jóhanna Guðmundsdóttir, þáverandi borgarfulltrúi Framsóknarflokksins, hafði leitað til Viðars vegna mikillar umræðu tengdri Framsóknarflokkinum, en í skjölunum komu fram nöfn Sigmundar, Sveinbjargar Birnu Sveinbjörnsdóttur og Hrólfs Ölvissonar. Sveinbjörg var á þeim tíma borgarfulltrúi flokksins og Hrólfur framkvæmdastjóri hans.

Guðfinna benti svo Sigmundi Davíð Gunnlaugssyni, þáverandi formanni flokksins, á að hugleiða að fá sér almannatengil og kynnti Viðar fyrir Sigmundi. Lýsti Guðfinna því að hana minnti að Sigmundur Davíð hefði sagt að Viðar „væri akkúrat maðurinn sem þyrfti“. Fundaði hann í kjölfarið með Sigmundi, Lilju Alfreðsdóttur, varaformanni flokksins, og Sigurði Hannessyni sem var kynntur sem formaður málefnanefndar flokksins. Síðar fundaði Viðar einnig með Hrólfi þar sem hann kynnti hugmynd sína um 100 milljóna kosningabaráttu flokksins, en Hrólfur hafi upplýst um að flokkurinn ætti ekki slíka fjármuni.

Almannatengill sem átti ekki að greina frá starfi sínu

Viðar skrifaði bréf til framkvæmdastjórnar flokksins vegna fyrirhugaðra starfa sinna, en þar kemur meðal annars fram að um sé að ræða hlutverk almannafulltrúa sem heyri beint undir formann flokksins og hafi ritstjórnarvald á öllu auglýsinga- og kynningarefni flokksins á landsvísu. Átti samkomulagið að gilda frá samþykki framkvæmdastjórnar og formanns fram yfir kosningarnar. Engin staðfesting var hins vegar kynnt við meðferð málsins í héraði, en Viðar taldi að samþykki hefði komið frá formanni.

Viðar Garðarsson, eigandi Forystu ehf.
Viðar Garðarsson, eigandi Forystu ehf. mbl.is/Árni Sæberg

Í skilmálabréfi Viðars til framkvæmdastjórnarinnar kom einnig fram að honum væri „með öllu óheimilt að tjá sig við fjölmiðla eða greina opinberlega frá því í hverju starf hans er fólgið. Á þetta bæði við á meðan þjónustunni stendur og einnig eftir að henni lýkur.“

Greiningarvinna á fjölmiðlamönnum

Fram kemur í dóminum að Viðar hafi skipulagt myndatöku fyrir Sigmund og látið smíða vefsíðuna panamaskjolin.is, sem Sigmundur átti að geta vísað í þegar málefni tengd Panama-skjölunum kæmu upp í kosningabaráttunni. Þá hafi hann látið smíða síðuna islandiallt.is sem hafi átt að „sækja fram“.

Eiginmaður Guðfinnu hafði komið að vinnu Forystu í einhverjum hluta þessara mála og sagðist Viðar fyrir dómi hafa fengið hann til að vinna „ákveðna greiningarvinnu, hvaða blaðamenn voru að skrifa hvað“ og „hverjir hefðu verið Sigmundi Davíð erfiðastir“.

Sagði vinnuna fyrir kosningaherferð Sigmundar

Ljósmyndarinn sem tók að sér framangreint verk staðfesti fyrir dómi að hann hefði aðeins unnið efni fyrir kosningaherferð Sigmundar og vinna hans meðal annars falist í að klippa búta úr ræðu Sigmundar af miðstjórnarþingi til að birta á heimasíðu Sigmundar.

Fjölmargt áhrifafólk í Framsóknarflokkinum bar vitni í málinu, en Sigurður Ingi Jóhannsson, núverandi formaður, sagðist ekkert hafa þekkt til vinnu Viðars á þessum tíma. Einar Gunnar Einarsson, framkvæmdastjóri flokksins á þessum tíma, og Eygló Harðardóttir, þáverandi ritari, báru einnig fyrir dómi að bréf Viðars hafi ekki verið lagt fyrir framkvæmdaráð flokksins.

Í lok ársins sendi Sigmundur bréf til Forystu þar sem hann greindi frá því að hann hefði greitt tæplega 1,1 milljón til félagsins vegna útlagðs kostnaðar sem Sigmundur sagðist hafa gengist í ábyrgð fyrir. Vísaði Sigmundur til þess að treglega hefði gengið að innheimta skuldina fyrir Viðar og að það væri meðal annars vegna óvissu sem hefði verið um verkskiptingu milli Hrólfs og Einars Gunnars, sem tók við af Hrólfi sem framkvæmdastjóri eftir að Panama-skjölin voru birt en gerðist formaður kosningastjórnar.

Skorti heimild framkvæmdastjórnarinnar

Í niðurstöðu dómsins segir að í bréfi Viðars til framkvæmdastjóra um samstarfið hafi hann sérstaklega tekið fram að heimild þurfi frá framkvæmdastjórn. Viðar geti því ekki gert ráð fyrir að verksamningur hafi komist á nema með staðfestingu, sem ekki sé að finna í fundargerðum eða öðrum gögnum framkvæmdastjórnar. „Í ljósi þessa gat fyrirsvarmaður stefnanda ekki gengið þess dulinn að hann vantaði tilskilið samþykki þar til bærra aðila innan Framsóknarflokksins um að starfa fyrir flokkinn á þeim forsendum sem krafa hans lýtur að,“ segir í niðurstöðunni.

Þarf Forysta ehf. jafnframt að greiða Framsóknarflokkinum 1,1 milljón í málskostnað.

mbl.is

Innlent »

Loka gömlu Hringbraut í sex ár

11:47 Á fundi stjórnar Strætó bs. 7. desember var samþykkt að breyta gjaldskrá Strætó í takt við almenna verðlagsþróun. Gjaldskrá Strætó verður hækkuð að meðaltali um 3,9%. Í janúar 2019 mun hluti gömlu Hringbrautar loka í sex ár vegna framkvæmda á nýjum Landspítala. Lokunin mun hafa nokkur áhrif á leiðakerfi Strætó. Meira »

Svefninn bíður fram að jólum

11:46 „Þetta hefur gengið frábærlega,“ segir Ágúst Guðmundsson, einn slökkviliðsmannanna sjö sem eru búnir að róa stanslaust frá því á föstudag fyrir Frú Ragnheiði. Róðrinum lýkur á föstudag svo það er nóg eftir. Meira »

Auglýst eftir ráðuneytisstjóra

11:42 Auglýst hefur verið laust til umsóknar embætti ráðuneytisstjóra í nýju heilbrigðisráðuneyti sem tekur til starfa 1. janúar 2019. Ráðuneytið verður til við skiptingu velferðarráðuneytisins í heilbrigðisráðuneyti og félagsmálaráðuneyti. Meira »

Dæmdur til að greiða 238 milljónir

11:24 Ágúst Alfreð Snæbjörnsson hefur verið dæmdur í tveggja ára fangelsi og til greiðslu tæplega 238 milljóna í sekt til ríkisins fyrir skattabrot á árunum 2012-13 í tengslum við rekstur tveggja félaga. Þá er hann dæmdur vegna skilasvika í tengslum við uppgjör vegna byggingar tveggja skóla í Reykjavík. Meira »

Bára ánægð með samhuginn

10:14 Mér finnst voðalega „næs“ að fólk skuli ætla að segja við mig að því finnist þetta jafn tilgangslaust og mér. Mér finnst voðalega góður þessi samhugur sem ég fæ frá öllum og það er eiginlega það magnaðasta í þessu öllu saman,“ segir Bára Halldórsdóttir um samstöðufundinn sem verður fyrir utan Héraðsdóm Reykjavíkur í dag. Meira »

Ákærðir fyrir 15 milljóna skattabrot

10:05 Embætti héraðssaksóknara hefur ákært tvo karlmenn fyrir meiri háttar brot gegn skattalögum með því að hafa á árunum 2015 og 2016 ekki staðið skil á staðgreiðslu einkahlutafélags sem þeir stýrðu, en heildarupphæðin nemur um 15,5 milljónum króna. Meira »

Tvisvar ákært fyrir að hrækja á lögreglu

09:59 Í síðustu viku voru þrjú mál þingfest þar sem ákært er fyrir brot gegn valdstjórninni, það er fyrir brot gegn lögreglumönnum við störf sín. Í tveimur þessara mála er ákærði sakaður um að hafa hrækt að lögreglumönnum. Meira »

Ákærður fyrir kynferðisbrot gegn stúlku

09:48 Embætti héraðssaksóknara hefur ákært karlmann fyrir kynferðis- og barnaverndarlagabrot gagnvart stúlku sem nú er 17 ára, en meint brot áttu sér stað þegar stúlkan á aldrinum 13 til 15 ára gömul. Meira »

Eyða nær fimmfalt meira í Reykjavík en á Hvammstanga

08:18 Töluverður munur er á útgjöldum ferðamanna eftir því hvaða staði á landinu þeir heimsækja.  Meira »

Stór skjálfti í Bárðarbungu

08:00 Jarðskjálfti sem mældist 3,6 stig varð núna rétt fyrir klukkan sjö í morgun í Bárðarbunguöskjunni.  Meira »

Sala á gulum vestum hefur tekið kipp

07:37 Sala á gulum vestum í verslun Húsasmiðjunnar í Kjalarvogi hefur tekið kipp, segir Finnur Guðmundsson, framkvæmdastjóri fagsölusviðs Húsasmiðjunnar. Meira »

Fer langleiðina í 50 metra á sekúndu

06:56 Spáð er miklu hvassviðri í dag og undir kvöld verður kominn austanstormur eða -rok allra syðst á landinu og gætu hviður farið langleiðina upp undir 50 m/s á þeim slóðum. Annars staðar verður þetta meira 15-23 og hviður að 35-40 m/s samkvæmt upplýsingum frá Veðurstofu Íslands. Meira »

Nýtt netaverkstæði rís í Neskaupstað

06:00 Framkvæmdir standa yfir við nýtt netaverkstæði Fjarðanets í Neskaupstað. Er áætlað að það verði tilbúið í mars á næsta ári. Nýja verkstæðið verður mun stærra en það gamla og mun tilkoma þess leiða til algjörrar byltingar í starfsemi og þjónustumöguleikum Fjarðanets á Austurlandi. Þetta segir Jón Einar Marteinsson, framkvæmdastjóri Fjarðanets. Meira »

Vara við grunsamlegum mannaferðum

05:59 Lögreglan á Norðurlandi eystra varar fólk við grunsamlegum mannaferðum í þéttbýli sem dreifbýli en tilkynnt var um tvö innbrot á Akureyri um helgina og nokkuð um tilkynningar vegna grunsamlegra mannaferða við sveitarbæ í umdæminu. Meira »

Ferðaþjónusta í nýtt útboð

05:30 Á fundi bæjarráðs Kópavogs í síðustu viku var lagt fram erindi frá sviðsstjóra velferðarsviðs þar sem óskað var eftir heimild bæjarráðs til að mega leysa Efstahól ehf. undan samningi um ferðaþjónustu fatlaðra ásamt erindi Efstahóls vegna málsins. Meira »

Styðja við fjölmiðla

05:30 Samning frumvarps um rekstrarumhverfi einkarekinna fjölmiðla er langt komin og er stefnt að því að kynna frumvarpsdrögin í Samráðsgáttinni í janúar, að sögn Lilju Daggar Alfreðsdóttur, mennta- og menningarmálaráðherra. Meira »

Ríkið mun ekki bæta miklu við

05:30 „Á næstu árum mun fólki á eftirlaunum fjölga meira en fólki á vinnumarkaði. Kostnaður ríkissjóðs vegna aldurstengdra sjúkdóma og þjónustu við aldraða mun að öllum líkindum aukast. Þeir sem hætta að vinna geta því ekki búist við að hið opinbera bæti miklu við eftirlaunin.“ Meira »

Alþingi setur áfram lögin

05:30 „Af minni hálfu stendur ekki til að styðja mál sem felur í sér framsal, hvorki á auðlindum né á meiri háttar ákvarðanatöku um lagaumgjörð fyrir okkur. Hins vegar er því haldið fram að málið mögulega standist ekki stjórnarskrá. Þetta eru atriði sem við viljum fara vandlega yfir. Meira »

Bára í skýrslutöku í héraðsdómi

05:30 Bára Halldórsdóttir, sem sagst hefur standa á bak við upptöku af ósæmilegu framferði þingmanna á barnum Klaustri, hefur verið boðuð til þinghalds í Héraðsdómi Reykjavíkur í dag klukkan korter yfir þrjú. Meira »
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
Húsaviðgerðir - husco.is
https://www.husco.is/...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Trúlofunar- og giftingarhringar í úrvali
Auk gullhringa eigum við m.a. titaniumpör á fínu verði. Sérsmíði, framleiðsla og...