Birtir samskipti oddvita við Vesturverk og HS Orku

Miklar deilur geysa í Árneshreppi sem er jafnframt fámennasta sveitarfélag ...
Miklar deilur geysa í Árneshreppi sem er jafnframt fámennasta sveitarfélag landsins. mbl.is/Golli

„Þetta er mun verra en ég átti von á,“ segir Pétur Húni Björnsson, stjórnarmaður í Rjúkanda, samtaka um verndun umhverfis, náttúru og menningarminja í Árneshreppi, við mbl.is um samskipti Evu Sigurbjörnsdóttur, oddvita hreppsins, við Vesturverk og HS Orku, sem hyggjast reisa Hvalár­virkj­un á Ófeigs­fjarðar­heiði. Gögnin fékk Pétur eftir að hafa farið fram á að fá afrit af samskiptum Árneshrepps við Vesturverk og HS Orku á grundvelli upplýsingalaga.

Eva Sigurbjörnsdóttir, oddviti Árneshrepps, vildi ekki tjá sig um tölvupóstana er mbl.is leitaði eftir því.

Samkvæmt gögnunum sem Pétur hefur fengið afhent, og send voru til mbl.is sem og annarra fjölmiðla í dag, hefur oddviti Árneshrepps meðal annars leitað til Vesturverks og HS Orku til þess að fá aðstoð við að gera umsagnir sem Skipulagsstofnun óskaði eftir frá hreppnum, jafnframt því að veita hagsmunaaðila skýrslu af fundi hreppsnefndar ásamt fundargerð.

„Lærð“ stikkorð

16. júlí 2015 berst Árneshreppi formleg beiðni frá Skipulagsstofnun um umsögn sveitarfélagsins þannig að hægt verði að vinna áfram með skipulagsmál svæðisins hjá stofnuninni. Sama dag svarar oddviti Árneshrepps stofnuninni og spyr hvað þurfi að koma fram í slíkri umsögn. Starfsmaður Skipulagsstofnunar svarar samstundis og segir meðal annars:

„Í þessu plaggi sem nú er til kynningar (tillaga að matsáætlun) er lýsing á framkvæmdinni, hvaða þættir það eru í umhverfinu sem talið er geta orðið fyrir áhrifum og með hvaða hætti á að rannsaka þá og meta hvaða áhrif framkvæmdin mun geta haft á þá.

Því er mjög mikilvægt – sérstaklega þar sem þið þekkið svæðið nú líklega best, að fá frá ykkur hvort þið teljið tilefni til þess að fleiri þættir umhverfisins verði teknir til skoðunar og þá ef þið hafið einhverjar athugsemdir við hvernig standa á að matinu og framsetningu þess. Eins ef þið hafið einhverjar athugsemdir við hvernig standa á að málinu og framsetningu þess. Eins ef þið hafið tillögur að útfærslu framkvæmda eða mögulegum valkostum.“

Eva sendir síðan erindi Skipulagsstofnunar beint á Gunnar Gauk Magnússon, framkvæmdastjóra Vesturverks, og Ásgeir Margeirsson, forstjóra HS Orku, og skrifar:

„Ég áframsendi ykkur hér með póst frá Skipulagsstofnun þar sem þeir eru að fara fram á formlega umsögn frá sveitarfélaginu varðandi virkjunarmálin. Getið þið ekki sent okkur einhver „lærð“ stikkorð sem gætu nýst okkur til að skrifa svona umsögn.“

Viðkvæmastir fyrir neikvæðri umsögn

25. júlí 2016 sendir Eva fyrirspurn til Gunnars. Þar skrifar hún:

„Nú fer að líða að því að hreppsnefnd þurfi að skila umsögn sinni um frummatsskýrsluna varðandi Hvalárvirkjun. Ég fékk send eintök af henni og viðaukum fyrir alla í hreppsnefnd og því vona ég að við komum öll sæmilega undirbúin til fundar þar sem við ákveðum hvernig umsögnin á að hljóða. Mér þætti mjög vænt um ef þú vildir senda mér einhverja punkta sem þú telur að sé gott að hafa með.“

Þessari fyrirspurn svarar Gunnar 26. júlí 2016 og segir meðal annars:

„Nú fórstu alveg með það Eva, ég veit ekki hvað skal segja varðandi umsögnina. Við erum að sjálfsögðu viðkvæmastir fyrir neikvæðri umsögn sem varðar náttúrufar og vatnafar á virkjunarsvæðinu. Það er helst það sem gæti stöðvað okkur.“

Komast ekki upp með að ræða tillögur

16. ágúst 2017 sendir oddvitinn tölvupóst til Gunnars og Ásgeirs í kjölfar hreppsnefndar funds. Þar talar hún m.a. um tillögur sem tveir hreppsnefndarmenn, sem andsnúnir eru virkjuninni, hafi viljað ræða á fundinum:

„Sælir verið þið.

Ég sendi ykkur hérna í viðhengi fundargerðina frá í gær.  Eins og þið sjáið komu þau Hrefna [Þorvaldsdóttir] og Ingólfur [Benediktsson] með tillögur sem þau vildu láta ræða á fundinum, en vegna þess að Bogi [skipulagsfulltrúi] var viðstaddur komust þau ekkert upp með það.  Við áttum bara að fjalla um það hvort við værum tilbúin að láta aðalsk.og deilisk. fara í auglýsingu.  Og okkur tóks[t] að afgreiða málið en tillögur þeirra voru bókaðar inn í fundargerðina.

Samkvæmt ábendingum frá Guðjóni Bragasyni hjá Samb.ísl.sveitarf. skrifaði ég  í gær Jóni Jónssyni lögfræðingi á Egilsstöðum til að biðja hann að vera okkur innan handar næstu mánuði hvað varðar lögfræðilega þjónustu.  Hann féllst sem betur fer á það, hann hringdi í mig í morgun og við áttum langt tal saman.  Svo að mér líður alla vega mun betur með framþróunina ef áður. Nú er bara að fá þau hin Ml þess að samþykkja það að við fáum lögfræðiaðstoð við þessi mál, við hljótum alla vega að hafa meirihluta í hreppsnefndinni fyrir því. Þetta var skýrsla dagsins.......  =)

Bestu kveðjur frá Árneshreppi, Eva S.oddviti.“

Þessu svarar Gunnar:

„Sæl Eva,

Takk kærlega fyrir þetta. Þetta er mikilvægur áfangi fyrir hreppinn svo og okkur.  Sendi hér slóð á góða grein sem er í vísir í dag. Hún er holl lesning fyrir alla.“

Sendi fyrirspurn íbúa á framkvæmdaaðila

Pétur Húni fékk einnig send samskipti Evu og Vigdísar Grímsdóttur, íbúa í Árneshreppi. Vigdís sendir hreppsnefnd fyrirspurn þann 19. janúar í ár þar sem hún óskar svara við því hver beinn ávinningur sveitarfélagsins verði af fyrirhugaðri Hvalárvirkjun og af hvaða mannvirkjum verði greidd fasteignagjöld.

Þessa fyrirspurn sendir Eva til Gunnars og Ásgeirs, þann 22. janúar. Í póstinum biður hún þá um að svara spurningunum þar sem hún sé önnum kafin við undirbúning næsta hreppsnefndarfundar. „Þannig að ef þið hafið nokkurn möguleika á svörum, væri það fínt og ég yrði mjög þakklát,“ skrifar Eva m.a.

Gunnar Gaukur svarar þeim pósti sama dag þar sem hann fer yfir áætlun Vesturverks um möguleg fasteignagjöld. 

Samkvæmt þeim gögnum sem Pétur sendi mbl.is svarar Vigdís Evu þar sem hún segir að sér sé brugðið við að sjá að hún hafi áframsent fyrirspurn hennar til hagsmunaaðila virkjunarinnar og láti þá um að svara henni. Svar Vigdísar er ekki meðal þeirra gagna sem Pétur fékk afhent frá oddvita en eru meðal gagna sem Pétur sendi fjölmiðlum í dag.

„Þú lætur ekki einu sinni svo lítið að fá samþykki mitt,“ skrifar Vigdís m.a. „Ég veit að þú hefur mikið að sýsla en það breytir ekki því að þetta eru hin undarlegustu vinnubrögð svo ekki sé fastar að orði kveðið. Þú hlýtur að sjá það sjálf ef þú hugsar málið að þetta er hið mesta óráð. Þessir virkjunaraðilar eru ekki í hreppsnefnd Árneshrepps og þeir hafa því ekkert með að svara spurningum mínum til ykkar fyrir þína hönd þótt þú sért sammála þeim í einu og öllu varðandi Hvalárvirkjun.“

Pét­ur Húni seg­ir það sitt mat að eft­ir­lits­hlut­verk hrepps­nefnd­ar hafi verið fram­selt til hags­munaaðila og sak­ar odd­vita Árnes­hrepps um að „haga sér eins og starfs­mann HS Orku.“ 

Á Facebook-síðu Rjúkanda er í dag birt ítarleg færsla Péturs um málið og fylgir hún hér að neðan.

Eins og fyrr segir leitaði mbl.is tvívegis eftir viðbrögðum oddvitans sem vildi ekki tjá sig um málið.

mbl.is

Bloggað um fréttina

Innlent »

Vara við hvössum vindhviðum við fjöll

Í gær, 23:37 Búast má við allhvassri norðvestanátt suðaustan og austan til á landinu næsta sólarhringinn með hvössum vindhviðum við fjöll allt að 30 metrum á sekúndu. Meira »

Ógnaði nágrönnum með hnífi

Í gær, 22:20 Sérsveit lögreglu var kölluð út að Engihjalla í Kópavogi á níunda tímanum í kvöld þar sem karlmaður í annarlegu ástandi otaði hnífi að íbúum blokkarinnar. Gunnar Hilmarsson, aðalvarðstjóri lögreglunnar í Kópavogi, segir í samtali við mbl.is að lögreglumönnum ásamt sérsveit lögreglu hafi tekist að leysa úr málum með farsælum hætti. Meira »

Fall reyndist fararheill

Í gær, 20:55 Anna Berglind Pálmadóttir lét ekki leðju og úrhelli stöðva sig þegar hún þeystist fram úr öðrum keppendum í Tenerife Blue Trail-utanvegahlaupinu fyrr í mánuðinum. Anna var fyrst kvenna í mark og hefur einungis ein íslensk kona fengið fleiri stig í alþjóðlegri stigagjöf fyrir utanvegahlaup erlendis. Meira »

Allur strandveiðiafli fari á fiskmarkaði

Í gær, 20:34 Skylda ætti allan strandveiðiafla til sölu á íslenskum fiskmörkuðum. Þetta segir Arnar Atlason, formaður Samtaka fiskframleiðenda og -útflytjenda. Í stuttum pistli sem hann hefur sent 200 mílum bendir hann á að verð á íslenskum fiskmörkuðum myndi grunn að allri verðmyndun á flestum fisktegundum á Íslandi. Meira »

Vill afnema greiðslur fyrir fundarsetu

Í gær, 20:29 Sanna Magdalena Mörtudóttir, borgarfulltrúi Sósíalistaflokksins, mun leggja fram tillögu á fyrsta fundi nýrrar borgarstjórnar á morgun um afnám þóknunar borgarfulltrúa fyrir að sitja fundi í stjórnum, ráðum og nefndum sem haldnir eru á vinnutíma. Meira »

„Þetta skapar afleitt fordæmi“

Í gær, 20:05 „Þetta er alls ekki heppilegt og þetta skapar afleitt fordæmi,“ segir Stefán Már Stefánsson, lagaprófessor og sérfræðingur í Evrópurétti, um þá ákvörðun stjórnvalda að fallast á að framsal framkvæmdavalds og dómsvalds til stofnana ESB með samþykkt persónuverndarlöggjafar sambandsins í síðustu viku. Meira »

Konan komin til byggða

Í gær, 19:57 Konan, sem leitaði aðstoðar björgunarsveita eftir að hafa lent í sjálfheldu á Ingólfsfjalli fyrr í kvöld, er komin til byggða heil á höldnu. Þetta staðfestir Davíð Már Bjarnason, upplýsingafulltrúi Landsbjargar. Meira »

Mið-Ísland skemmti landsliðinu

Í gær, 19:53 Fjórir úr uppistandshópnum Mið-Íslandi skemmti íslenska landsliðshópnum í knattspyrnu á hóteli liðsins í strandbænum Kabardinka við Svartahaf í kvöld. Að því loknu héldu skemmtikraftarnir til móts við íslenska fjölmiðlahópinn sem er ytra og óhætt að segja að frammistaða þeirra féll í góðan jarðveg. Meira »

„Súrrealískt“ að sjá Alfreð skora

Í gær, 19:15 „Þetta var fáránleg tilfinning, mjög súrrealískt,“ segir Hildigunnur Finnbogadóttir, systir landsliðsframherjans Alfreð Finnbogasonar, um þá tilfinningu sem hún upplifði á Spartak-vellinum á laugardag er litli bróðir hennar lagði boltann snyrtilega í mark Argentínumanna. Meira »

Sækja örmagna konu í sjálfheldu

Í gær, 18:35 Björgunarsveitir frá Selfossi, Þorlákshöfn, Eyrarbakka og Hveragerði voru kallaðar út á sjötta tímanum vegna örmagna konu sem er í sjálfheldu á Ingólfsfjalli. Meira »

Matur og menning í Viðey

Í gær, 18:29 Það var margt um að vera í Viðey á laugardaginn þar sem landkynningaverkefnið #TeamIceland hélt glæsilegan viðburð sem varpa átti sérstöku ljósi á íslenska matarmenningu. Tæplega hundrað manna blanda af erlendum fjölmiðlum, ferðamönnum og Íslendingum sóttu viðburðinn sem var skemmtilegt tækifæri til að sýna gæði íslenskrar matargerðar og hráefnis. Meira »

Vilja bæta starfshætti Eystrasaltsráðsins

Í gær, 18:23 Guðlaugur Þór Þórðarson utanríkisráðherra lagði áherslu á mikilvægi svæðisbundinnar samvinnu og frjálslynd og lýðræðisleg gildi á utanríkisráðherrafundi Eystrasaltsráðsins, sem haldinn var í Stokkhólmi í dag. Meira »

Sinna bara bráðamálum vegna lokana

Í gær, 17:55 „Ég vona alltaf að þetta sé síðasta sumarið sem ég þarf að loka. Við lokum minna í ár en í fyrra, en þetta eru enn þá umtalsverðar lokanir. Ég vona núna að þetta sé síðasta árið sem ég þarf að standa í þessu. Þetta er ekki gott,“ segir María Einisdóttir, framkvæmdastjóri geðsviðs Landspítalans. Meira »

Framkvæmdum við Geirsgötu lýkur í haust

Í gær, 17:27 Framkvæmdum við Geirsgötu og gatnamót við Lækjargötu og Kalkofnsveg miðar vel áfram og stefnt er á að framkvæmdum á gatnamótunum ljúki í haust. Búið er að hleypa umferð á allar fjórar akreinar Kalkofnsvegar, auk þess sem ný umferðarljós á gatnamótunum hafa verið virkjuð. Meira »

Vongóðir um litlar skemmdir

Í gær, 17:15 Ísfisktogarinn Akurey AK-10 var staddur norður af Patreksfirði um klukkan fimm í nótt þegar svokölluð undirlyftustöng í aðalvél skipsins brotnaði. Skipið átti þá eftir rúman sólarhring á veiðum en um 140 tonna afli er í lest skipsins, að sögn Eiríks Jónssonar skipstjóra. Meira »

Segir auglýsingasölu RÚV samræmast lögum

Í gær, 16:59 Magnús Geir Þórðarson, útvarpsstjóri Ríkisútvarpsins, telur vandséð að ójöfn samkeppni hafi verið fyrir hendi á auglýsingamarkaði í aðdraganda heimsmeistaramótsins í knattspyrnu. Þetta kemur fram í skriflegu svari hans til mbl.is. Meira »

Skjálftinn bætir upplifunina

Í gær, 16:34 Ein tilkynning barst Veðurstofunni frá gesti Bláa lónsins um jarðskjálfta í morgun norðvestan af Grindavík. Sigþrúðru Ármannsdóttir náttúruvársérfræðingur segir að því tilkynning um skjálftann hafi verið send út í samræmi við verklagsreglur. „Þegar einhver finnur skjálfta í byggð þá setjum við það á vefinn.“ Meira »

Eva áfram oddviti Árneshrepps

Í gær, 16:20 Eva Sigurbjörnsdóttir var endurkjörin oddviti Árneshrepps í dag þegar hreppsnefndin kom saman í fyrsta sinn eftir sveitarstjórnarkosningar í maí. Meira »

30 skólar fá styrk til forritunarkennslu

Í gær, 16:09 30 skólar víðs vegar á landinu fengu úthlutaðan fjárstyrk úr sjóðnum Forritarar framtíðarinnar, en tilgangur sjóðsins er að efla tækni- og forritunarkennslu í grunn- og framhaldsskólum landsins. Heildarúthlutun sjóðsins í ár nemur 4,1 milljón króna í formi fjárstyrkja og 4,55 milljónir króna í formi tölvubúnaðar, að því er segir í tilkynningu sjóðsins. Meira »