Meintum kynferðisbrotamanni sleppt

Maðurinn er grunaður um kynferðisbrot á tjaldsvæði á Akureyri.
Maðurinn er grunaður um kynferðisbrot á tjaldsvæði á Akureyri. Ljósmynd/Kristinn Freyr Jörundsson

Búið er að yfirheyra og sleppa karlmanni sem grunaður er um kynferðisbrot á tjaldsvæðinu í Réttarhvammi á Akureyri á föstudag.

Samkvæmt upplýsingum frá lögreglunni á Akureyri er málið enn til rannsóknar og ekki hægt að veita frekari upplýsingar að sinni. Málið kom á borð lögreglu klukkan sjö á föstudag.

Líkt og komið hefur fram í fyrri fréttum hefur verið nokkur erill hjá lögreglu á Akureyri vegna Bíladaga sem fara fram í bænum um helgina. Fjórir gistu fangageymslur lögreglu í nótt, tveir þeirra grunaðir um líkamsárás en fórnarlamb árásarinnar, maður á sextugsaldri, fótbrotnaði í árásinni.

mbl.is
Fleira áhugavert
Fleira áhugavert