Það viðrar ágætlega til fótboltaáhorfs og stuðningsmenn Íslands hafa fjölmennt í Hljómskólagarðinn til að fylgjast með leik Íslands og Nígeríu á HM í fótbolta.
Þetta er annar leikur Íslands í D-riðli og með sigri getur Ísland komið sér í lykilstöðu í riðlinum fyrir lokaleikinn gegn Króötum á þriðjudag, en Króatar tryggðu sæti sitt í 16-liða úrslitunum með 3:0 sigri á Argentínu í gær.
Staðan er 0:0 í hálfleik og ljóst að skemmtunin, og ekki síst spennan, heldur áfram í síðari hálfleik. Hér má fylgjast með beinni textalýsingu.
Ljósmyndari mbl.is er á staðnum og fangar stemninguna.