Fyrsti vinningur gekk ekki út í Víkingalottóútdrætti kvöldsins en einn heppinn Norðmaður vann annan vinning og hlýtur 28,7 milljónir króna í vinning.
Þrír voru með hinn alíslenska þriðja vinning og hljóta þeir hver um sig 696 þúsund krónur í vinning. Miðarnir voru keyptir á lotto.is og í áskrift.
Þá voru þrír með fjórar réttar tölur í réttri röð í Jókernum og hlýtur hver þeirra 100 þúsund krónur í vinning. Miðarnir voru keyptir í Vídeómarkaðnum Hamraborg, Olís Álfheimum og Prinsinum Hraunbæ.