Myndlist svífur yfir borðum

Systkinin Ólafur Elíasson og Victoria standa saman að SOE 101, ...
Systkinin Ólafur Elíasson og Victoria standa saman að SOE 101, sprettiveitingastað í Marshallhúsinu sem opnar næstu helgi. Hún sér um matinn og hann um myndlistina. mbl.is/Ásdís

Listamaðurinn Ólafur Elíasson hefur gengið íslenskar fjörur og safnað því sem þar rak á land. Það nýtir hann í innsetningu sem nú má sjá í Marshall-húsinu, en á næstunni verður opnaður þar SOE Kitchen 101, sprettiveitingastaður hans og systur hans Victoríu Elíasdóttur. 

Ólafur sækir bæði hugmyndir og efnivið til Íslands, þar sem rætur hans liggja.

„Ég og mitt fólk tíndum rekavið úr fjörum, eins og ég hef oft áður gert. Snemma í vor, í mars eða apríl, keyrðum við á Strandir og hreinsuðum nánast ströndina af ýmsu dóti, en þar má oft finna alls kyns spennandi hluti. Í raun er þetta mengun, og svo rekaviður. Við fylltum bílinn nokkrum sinnum með öllum þessum gersemum strandarinnar. Og með þessum fundnu hlutum og rekaviði, ásamt efni sem ég kom með frá Berlín, bjó ég til 24 lítil listaverk sem eiga það sameiginlegt að vera áttavitar,“ segir Ólafur.

Rýmið og raunveruleikinn

Hver er hugsunin á bak við þessa áttavita? Er það að finna sinn stað í heiminum, eða að finna sína leið?  

„Það snýst um að rata rétta leið. Á hafinu eru engir vegir þannig að það þurfti að nota áttavita til þess að vita hvert maður væri að fara, en einnig til að vita hvar maður var. Áttaviti er kjarninn, hann sýnir þér hvar þú ert og hvert áttirnar liggja. Ég er nógu gamall til þess að muna þegar maður gekk um náttúruna með áttavita og það er ekkert leyndarmál að ég var ekkert sérlega góður í því! En ég lærði að ganga um hálendi Íslands með áttavita þegar ég fór í ferðir með Útivist sem unglingur. Þannig að ég lærði á áttavita,“ segir hann.

„Ég hef mjög mikinn áhuga á tilfinningunni fyrir rými og fyrir mér er áttavitinn tækifæri til þess að vita í hvaða átt maður snýr. Þegar maður er inni í húsi veit maður oft ekki hvað er í suður og hvað í norður.“

Ólafur notar hluti og rekavið af íslenskum ströndum í áttavita ...
Ólafur notar hluti og rekavið af íslenskum ströndum í áttavita sem munu hanga yfir borðum á veitingastaðnum þeirra systkina. mbl.is/Ásdís

„Svo höfum við raðað borðum á annan hátt og höfum langborð, sem þýðir ekki endilega að þú þurfir að tala við ókunnugt fólk við hliðina á þér, en þetta skapar aðra stemmningu. Og ég gerði einn vegg í sægrænum lit; það er liturinn á hafinu hér fyrir utan síðla dags. Það verður einnig barnahorn fyrir krakkana með eldra verki eftir mig, sem eru mikill fjöldi hvítra Lego-kubba. Alla fimmtudaga munu tónlistarmenn frá menningarhúsinu Mengi spila og taka upp tónverk sem mun hljóma hér, en það verður bætt í verkið með nýju tónlistarfólki í viku hverri. Í lok verða svo tónleikar þar sem verkið verður spilað með öllu því tónlistarfólki sem kom að gerð þess. En allt þetta er til þess að ýta undir það sem er hér í forgrunni, og það er að fá fólk til þess að koma hingað, vera saman og borða. Fókusinn er að vera með tilraunaeldhús,“ segir Ólafur.

Faðirinn listamaður og kokkur

Victoría er heilum tuttugu árum yngri en bróðir hennar Ólafur, en þau eru hálfsystkini, samfeðra. Hún er fædd í Danmörku en flutti til Íslands á öðru ári og hefur búið hér nánast allar götur síðan, fyrir utan síðustu ár, sem hún hefur búið í Berlín.

Victoría á ekki langt að sækja mataráhugann.

„Pabbi var matreiðslumaður og vann um tíma á flottustu veitingastöðum Kaupmannahafnar. Þegar ég fæddist ákváðu foreldrar mína að flytja til Íslands. Með það í huga að vinna meira að listinni fór pabbi að starfa sem kokkur á sjó, en hann gerði allt mjög vel sem hann tók sér fyrir hendur,“ segir hún.

Victoría Elíasdóttir er bæði spennt og stressuð fyrir opnun SOE ...
Victoría Elíasdóttir er bæði spennt og stressuð fyrir opnun SOE 101-veitingastaðarins. Hún segir verkefnið drifið áfram af ástríðu. mbl.is/Ásdís

Victoría er nú komin aftur í Reykjavíkurhöfn þar sem hún lék sér sem barn, en hún á góðar minningar úr æsku þegar pabbi hennar var að koma af sjónum.

„Ég man eftir mér sem smástelpu hér á höfninni og í feluleik í togaranum þegar við vorum að sækja pabba þegar hann kom heim af sjó. Vinnan á sjónum var frábrugðin vinnu á venjulegu veitingahúsi en það gaf honum tíma til listsköpunar. Hann vann líka að listinni úti á sjó; t.d. vann hann að verki sem var kringlótt grind og hann velti ólíkum kúlum í mismunandi bleklitum og leyfði öldunum að klára verkið. Afar fallegt verk. Þetta var samvinnuverkefni þeirra Óla og pabba og ég man eftir þeim ræða saman í NMT-síma um útfærslur og útkomur verkanna,“ segir hún og brosir.

Þannig að það má segja að þið fetið bæði í fótspor föður ykkar, í list og kokkamennsku?

„Já, mikið rétt, og nú erum við að sameina krafta okkar í Marshallhúsinu og mjög spennt fyrir því að vinna saman,“ segir Victoría.

Fiskur og grænmeti verður í aðalhlutverki hjá Victoríu.
Fiskur og grænmeti verður í aðalhlutverki hjá Victoríu. Ljósmynd/Maria del Pilar Garcia Ayensa / Studio Olafur Eliasson

Finnst þér góð matreiðsla vera list?

„Matreiðsla krefst sköpunar og frjórrar hugsunar. Ég er alin upp við það að pabbi minn var lista- og matreiðslumaður. En ég er ekki hrifin af því þegar fólk segir að ég sé listamaður í eldhúsinu. Ég er matreiðslumaður í eldhúsinu. Vonandi nokkuð hæfileikarík! Þó að ég sé ágæt með pensilinn er ég ekki listamaður í eldhúsinu,“ segir Victoría en viðurkennir að vissulega sé gaman að skapa góðan og fallegan mat.

Tilraun til að vinna náið saman

Hvernig er að vinna með bróður þínum?

„Hingað til hefur það gengið mjög vel, enda leggjum við bæði mikinn metnað í verkefnin okkar og reynum að fá það besta út úr hvort öðru.“

Hefur bróðir þinn áður unnið að verkefni í tengslum við veitingastað?

„Nei, hann hefur ekki gert það. Hann hefur áður gert verk fyrir veitingastað, eins og fyrir Noma, en ekki á þessum mælikvarða. Við höfum talað um það lengi að gera veitingastað þar sem hann hannar útlitið og ég sé um rekstur og matreiðslu. Fyrir okkur er þetta tilraun til að vinna náið saman, þó að auðvitað komi miklu fleiri að verkefninu. Það eru um 30 manns sem koma að þessu á einhvern hátt. Ég hugsa stundum að maður sé hálfbilaður að ráðast í svona verkefni fyrir þrjá mánuði! Að opna alveg nýjan veitingastað í þrjá mánuði en það er ekkert útilokað að við gerum eitthvað til framtíðar. Þetta er afar litríkt tilraunaverkefni,“ segir hún. „Leifur Kolbeinsson, eigandi Marshall restaurant og bar, er að bjóða okkur velkomin á sinn stað og vegna þess er þetta verkefni að veruleika orðið,“ segir Victoría.

„Ég hugsa fyrst og fremst að þetta sé tilraunaverkefni hjá okkur. Við erum með ákveðnar hugmyndir um hvað þetta á að vera en við erum líka opin fyrir því að sjá hvað úr þessu verður. Ólafur er alltaf mjög bjartsýnn en ég stilli væntingum í hóf, kannski til þess að verða ekki fyrir vonbrigðum. Það fylgir því ákveðin ábyrgð að koma verkefninu í gang og halda síðan utan um konseptið. En ég er svo heppin með mitt frábæra teymi og í undirbúningnum er þegar búinn að myndast góður andi milli starfsmanna. Ég trúi því að það sé stór hluti þess að njóta velgengni í starfi þegar fólkið mætir glatt til vinnu og samskiptin á vinnustað eru skýr, heiðarleg og jákvæð. Ég verð hér í þessa þrjá mánuði en Ólafur kemur af og til,“ segir hún.

 „Undirbúningurinn hefur tekið marga mánuði. Við vitum vel að stutt verkefni sem þetta skilar okkur ekki kössum af seðlum en eitt er víst að verkefnið verður aldeilis skemmtilegt og lærdómsríkt. Okkur langaði mikið til þess að standa að þessu saman, verkefnið er drifið áfram af ástríðu fyrst og fremst.“

Viðtöl við systkinin eru í heild í Sunnudagsblaði Morgunblaðsins um helgina. 

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Bloggað um fréttina

Innlent »

Tekjur af göngunum undir áætlun

14:03 Það sem af sumri hafa tekjur af Vaðlaheiðargöngum verið um 35%-40% lægri en áætlanir gera ráð fyrir. Búist var við því að 90% umferðarinnar myndi fara í gegnum göngin en það hlutfall er einungis um 70%, sem þýðir að þrír af hverjum tíu bílum kjósa frekar að fara Víkurskarðið. Meira »

Mislingasmit greinist í Reykjavík

13:50 Fullorðinn einstaklingur sem búsettur á höfuðborgarsvæðinu, greindist með mislinga fyrir nokkrum dögum, en hann hafði verið á ferðalagi í Úkraínu í júnímánuði og hefur ekki skjalfesta bólusetningu gegn mislingum. Meira »

„Typpið er farið úr fjallinu“

13:35 Tveir vel mannaðir og vaskir hópar gengu fylktu liði upp á Helgafell í morgun áður en þeir skiptu sér upp og fóru að pússa mannakrot úr móberginu. Reðurtáknið tröllaukna er horfið á vit feðra sinna. Meira »

Hrækt og hvæst á múslimafjölskyldu

13:32 Þórunn Ólafsdóttir hringdi á lögreglu vegna árásar á múslima í Breiðholti í gærkvöldi og segir konu hafa veist að þeim, hrækt á og reynt að rífa í klæði þeirra. „Árásarmanneskjan hvæsti ítrekað á fólkið að það skyldi koma sér heim og það væri ekki velkomið hér á Íslandi,“ segir Þórunn. Meira »

Dyngjufjallaleið lokuð vegna vatnavaxta

13:14 Dyngjufallaleið hefur verið lokað um óákveðinn tíma vegna vatnavaxta, að því er fram kemur í tilkynningu frá Vegagerðinni. Meira »

Fólk sér CE og heldur að allt sé í lagi

11:58 Sérfræðingur í öryggi barna segir tilefni til að vera „mjög á varðbergi“ gagnvart sumum öryggisbúnaði fyrir börn í sundlaugum. Álíka vesti og það sem sást í sláandi myndbandi frá Noregi eru til á Íslandi. Meira »

Nýjum smitum fari vonandi fækkandi

11:30 „Ég bind allavega enn vonir við að það hylli undir að þetta fari dvínandi,“ segir Þórólfur Guðnason, sóttvarnalæknir, inntur um stöðu mála vegna e.coli-sýkingar sem greinst í nítján börnum hér á landi. Þá er uppi grunur um að bandarískt barn sé einnig smitað, en það var á sömu slóðum og þar sem nær öll börnin voru. Meira »

Leki í báti úti fyrir Hornströndum

11:08 Björgunarskip á Ísafirði og Bolungarvík voru kölluð út á áttunda tímanum í morgun vegna báts sem var í vanda þremur sjómílum norður af Kögri á Hornströndum. Leki hafði komið að bátnum í morgun vegna bilunar og þurfti að koma dælum um borð í hann. Meira »

Kallaði fúkyrði að konunum þremur

10:55 Atvikið þar sem veist var að þremur múslimakonum í gærkvöldi átti sér stað fyrir utan Bónus-verslunina í Lóuhólum um kl. 18. Málið er rannsakað sem hatursglæpur í miðlægri deild lögreglunnar á höfuðborgarsvæðinu. Meira »

Grunur um Parvó-smit á Austurlandi

10:35 Óstaðfestur grunur er um að hundur á Austurlandi hafi veikst af Parvó smáveirusótt. Þetta segir Daníel Haraldsson, þjónustudýralæknir á Egilsstöðum, en hann tilkynnti um tilfellið til yfirdýralæknis í gær og hefur sent sýni á Keldur til staðfestingar á grun sínum. Meira »

Gerð klár fyrir eigendaskiptin

10:20 Togskip Gjögurs hf. á Grenivík, Áskell EA 748 og Vörður EA 748, eru nú í Slippnum í Reykjavík. Er unnið að því að pússa og mála skipin áður en þau verða afhent nýjum eiganda, FISK á Sauðárkróki, fyrir mánaðarlokin. Meira »

Á 139 km hraða á Sæbraut

10:20 Lögregla myndaði brot alls 170 ökumanna á Sæbraut í Reykjavík á tímabilinu 10.-15. júlí, en fylgst var með ökutækjum sem fóru Sæbrautina í vesturátt á gatnamótum við Langholtsveg. Sá sem hraðast ók var myndaður á 139 kílómetra hraða. Meira »

„Er undrandi á þessari niðurstöðu MDE“

10:15 Niðurstaða Mannréttindadómstólsins í máli Júlíusar Þórs Sigurþórssonar, fyrrverandi starfsmanns Húsasmiðjunnar, gegn íslenska ríkinu er sigur í meginatriðum um rétt manna til að njóta sanngjarnrar málsmeðferðar og kallar á að Hæstiréttur endurskoði fyrirkomulag sitt. Þetta segir lögmaður Júlíusar. Meira »

Súkkulaðihrískökur innkallaðar

09:45 Heilsa ehf. hefur í samráði við matvælaeftirlit Heilbrigðiseftirlits Reykjavíkur innkallað Amisa Lactose Free Rice Milk Chocolate Rice Cakes vegna ómerkts ofnæmis- eða óþolsvalds, en mjólk er í kökunum. Meira »

Helmingur ók of hratt á Seljabraut

09:39 Lögreglan á höfuðborgarsvæðinu myndaði brot 35 ökumanna á Seljabraut í Reykjavík í gær, en þar var lögregla við hraðamælingar í eina klukkustund eftir hádegi. Meira »

Styrmir vilji fá sakfellingu niðurfellda

09:19 Lögmaður Styrmis Þórs Bragasonar er ánægður með að MDE hafi komist að niðurstöðu um að málsmeðferð fyrir Hæstarétti hafi ekki verið réttlát. Hann gerir ráð fyrir að Styrmir vilji fá málið endurupptekið. Meira »

Enn þungt haldinn eftir fjórhjólaslys

08:45 Karlmaðurinn sem lenti í alvarlegu fjórhjólaslysi við Geysi í Haukadal í gærmorgun liggur enn þungt haldinn á Landspítalanum. Þetta staðfestir Elís Kjartansson, rannsóknarlögreglumaður á Suðurlandi, í samtali við mbl.is. Meira »

Íslenska ríkið brotlegt gagnvart Styrmi

08:33 Mannréttindadómstóll Evrópu hefur dæmt íslenska ríkið brotlegt gagnvart Styrmi Þór Bragasyni, fyrrverandi forstjóra MP banka, eftir einróma niðurstöðu dómsins. Hann fær milljón krónur í málskostnað. Meira »

Ríkið braut á starfsmanni Húsasmiðjunnar

08:32 Íslenska ríkið braut á fyrrverandi starfsmanni Húsasmiðjunnar sem dæmdur var í níu mánaða fangelsi í Hæstarétti árið 2016 fyrir hlutdeild sína í refsiverðu verðsamráði í störfum sínum á árunum 2010 til 2011. Þetta er niðurstaða Mannréttindadómstóls Evrópu. Meira »
Sprautulökkun
Ónotað síubox til sölu, stærð breidd 241 cm, dýpt 78 cm og hæð 115 cm + plús gri...
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Ýmislegt til bókbandsvinnu
Til sölu eru ýmsir hlutir til bókbandsvinnu, pressur, saumastól m.m. Áhugasamir...
NP ÞJÓNUSTA
NP Þjónusta Sé um liðveislu við bókhaldslausnir o.fl. Hafið samband í síma 831-8...