Katrín Tanja Davíðsdóttir er í þriðja sæti fyrir lokaæfingu á síðasta degi heimsleikanna í crossfit. Leikarnir fara fram í Madison í Wisconsin í Bandaríkjunum. Björgvin Karl Guðmundsson og Annie Mist Þórisdóttir eru bæði í fimmta sæti í sínum flokkum.
Hægt er að fylgjast með lokaæfingunni í beinni útsendingu hér.
Katrín Tanja náði öðru sætinu í fyrstu æfingu dagsins, en þar þurftu keppendur að klára fimm umferðir af hlaupi, æfingu á hjóli og með sleða, hún náði síðan þriðja sætinu með annarri æfingunni sem byggði á þrautabraut sem gengin var á höndunum.