Umferð úr hringtorginu við Hveragerði er beint til suðurs og síðan um Þrengslin en búið er að loka leiðinni upp á Hellisheiði vegna malbikunarframkvæmda.
Stefnt er að því að malbika báðar akreinar á um tveggja kílómetra kafla á Hellisheiði til vesturs, vestan við Hellisheiðarvirkjun, og gert er ráð fyrir því að vinnan standi yfir til miðnættis.
Auk þess stendur til að fræsa báðar akreinar til vesturs á Suðurlandsvegi, um 2,1 km á milli vegamóta við Þrengslaveg og Litlu kaffistofunnar. Akreinunum verður lokað á meðan og umferð færð yfir á öfugan vegarhelming. Áætlað er að vinnan standi til klukkan 19:00.