Kambarnir lokaðir á morgun

Malbikunarvinna hefur staðið yfir í Kömbunum í dag og heldur …
Malbikunarvinna hefur staðið yfir í Kömbunum í dag og heldur hún áfram á morgun. Umferð er beint um Þrengsli. mbl.is/Sigurður Bogi Sævarsson

Kambarnir á Hellisheiði verða lokaðir á morgun vegna malbikunarvinnu. Í tilkynningu frá Vegagerðinni kemur fram að stefnt er á að malbika um það bil tveggja kílómetra kafla á báðum akreinum í vestur upp Kamba. 

Kömbunum verður lokað í austur og vestur á meðan og allri umferð beint um Þrengslaveg. Viðeigandi merkingar verða settar upp meðan á framkvæmd stendur. Áætlað er að framkvæmdirnar standi yfir milli klukkan 7:00 og miðnættis. 

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

mbl.is
Fleira áhugavert
Fleira áhugavert