Má bjóða þér kanilsnúð að drekka?

Valgeir Valgeirsson bruggmeistari, Ágúst Einþórsson, framkvæmdastjóri Brauð&co, Sigurður Pétur Snorrason, ...
Valgeir Valgeirsson bruggmeistari, Ágúst Einþórsson, framkvæmdastjóri Brauð&co, Sigurður Pétur Snorrason, eigandi RVK Brewing Co og handverksbruggari, og Einar Örn Sigurdórsson, eigandi, hönnuður og gæðaprófari. mbl/Arnþór Birkisson

Hver elskar ekki dúnmjúka kanilsnúða? Og hver elskar ekki góðan bjór? En hvað ef það væri hægt sameina þetta tvennt í eina vöru, kanilsnúðana og bjórinn? Búa til kanilsnúðabjór. Það er nefnilega nákvæmlega það sem brugghúsið RVK Brewing Co hefur verið að gera og nú er hægt að fá kanilsnúðabjór á krana á nokkrum börum bæjarins. Co&Co er fyrsti bakkelsis-stoutinn á fullveldistímanum, vægast sagt dökkur, sérdeilis höfugur, með mikla fyllingu og einstakt bragð sem má þakka súrdeigskanilsnúðum frá Brauð&Co, en þannig er bjórnum lýst af bruggmeisturunum.

RVK Brewing Co var stofnað 1. mars 2017, á sjálfan bjórdaginn, en framleiðsla hófst í maí á þessu ári. Í júlí var svo opnuð bruggstofa í Skipholti 31, þar sem bjóráhugafólk getur kíkt við og fengið að smakka áhugaverða handverksbjóra. Það má segja að bruggstofan sé enn þá þokkalega vel geymt leyndarmál, því starfsemin hefur ekkert verið auglýst. Fréttirnar hafa þó borist bjóráhugamanna á milli og æ fleiri leggja leið sína í Skipholtið til að svara kalli bragðlaukanna.

Ekki fer heldur mikið fyrir brugghúsinu. Blaðamaður rennur eiginlega á lyktina, en kanilsnúðailmurinn sem berst út á götu vísar veginn að bakhúsi þar sem fátt gefur til kynna hvað fer fram innandyra. Þegar inn er komið blasir við hin huggulegasta bruggstofa, en þar inn af er svo sjálft brugghúsið, þar sem ævintýrin gerast.

Einstakt á Íslandi

„Þetta er dálítið einstakt á Íslandi því hér erum við með aðstöðu inni í brugghúsinu til að setjast niður. Fólk getur komið inn af götunni og smakkað bjórinn. Þetta er staður með fullt áfengisleyfi eins og hver annar bar. Svo erum við auðvitað með aðstöðu til að sýna bjórinn. Þetta er mjög vinsælt í Bandaríkjunum og það koma hér inn á hverjum degi Bandaríkjamenn,“ segir Sigurður Pétur Snorrason, handverksbruggari og einn eigenda RVK Brewing Co. Hann segir bandaríska bjóráhugamenn gjarnan ferðast borga á milli í leit að brugghúsum til að heimsækja.

Bjórinn ber að sjálfsögðu ríkan keim af kanilsnúðum Brauð&co
Bjórinn ber að sjálfsögðu ríkan keim af kanilsnúðum Brauð&co; mbl/Arnþór Birkisson

„Ég hef verið mikið í Bandaríkjunum og undir það síðasta var ég farinn að gera þetta. Ég fór til borga í þeim eina tilgangi að heimsækja brugghús og prófa bjóra. Þannig að þessi hugmynd hefur verið að gerjast í kollinum á mér í dálítinn tíma. Ég hef verið að sigta út og finna hvernig ég vildi hafa þetta brugghús. Þetta afraksturinn af því,“ segir Sigurður sem er að vonum sáttur við útkomuna.

„Þetta er frekar lítið brugghús á flesta mælikvarða, en það gefur okkur sveigjanleika í að vera með bjóra sem við gerum kannski bara einu sinni eða prófa okkur áfram. Það er minna lagt í það hér að vera að framleiða stöðugt það sama. Á þessu stigi alla vega. Svo getur vel verið að við notum reynsluna sem kemur af þessu í að setja fram einhverja fasta bjóra og svo seinna meir huga að sölu bjóra í neytendaumbúðum í gegnum ÁTVR,“ útskýrir hann. En líkt og áður sagði er Co&Co-bjórinn kominn í sölu á nokkrum börum bæjarins. Hann er þó eingöngu seldur á kútum enn sem komið er.

Prófaði að setja bakkelsis-kókaín út í bjórinn

Það stendur hins vegar til að koma Co&Co í sölu í Vínbúðinni fyrir jólin, enda bragðið sérdeilis hátíðlegt og bjórinn ætti því að sóma sér í því hlutverki að kitla bragðlaukana á aðventunni. „Við erum búin að sækja um leyfi til þess að setja sérstaka útgáfu af Co&Co í búðir. Það verður væntanlega fyrsti bjórinn sem við setjum í sölu í ríkinu,“ segir Sigurður.

Starf bruggmeistarans krefst þess að sjálfsögðu að bjórinn sé smakkaður ...
Starf bruggmeistarans krefst þess að sjálfsögðu að bjórinn sé smakkaður til. mbl/Arnþór Birkisson

Það er hann sem á hugmyndina að Co&Co bjórnum, en hún fæddist eiginlega á kringum bjórhátíðina á Hólum. „Þetta er bjór sem ég hef verið að þróa í dálítinn tíma og hef prófað með nokkrum viðbótum. Þessir kanilsnúðar frá Brauð&co eru algjört bakkelsis-kókaín. Þetta er ánetjandi og ótrúlega gott þannig að mér datt í hug að prófa að setja hann út í stout-inn. Þetta kom bara mjög vel út og gefur skemmtilegt bragð. Ég hafði því samband við Brauð&co og spurði hvort það væri áhugi á samstarfi. Konseptið með þessu brugghúsi er líka að hafa allt svolítið vistvænt, minnka matarsóun og endurnýta. Hlutir hér inni eru endurnýttir og það er spennandi að nýta það sem til fellur hjá bakaríum svo það þurfi ekki að henda því. Þeir tóku bara vel í þetta.“

Ágúst Einþórsson, framkvæmdastjóri Brauð&co, grípur orðið, en hann þurfti ekki að hugsa sig tvisvar um þegar Sigurður hafði samband og kynnti fyrir honum hugmyndina að bjórnum.

Bakaði snúð sem endaði í bjór á krana í Köben

„Í fyrsta lagi er bara gaman að vera með flottum fyrirtækjum sem eru að gera góða hluti. Það er geggjað líka að menn vilji nýta það sem annars myndi enda í ruslinu. Það er því miður hægara sagt en gert að koma því sem til fellur í nýtingu án þess að þurfa að standa í mikli veseni sjálfur við að koma því út. Það er galið að þurfa að borga fyrir að henda mat.“

Samstarfið hefur svo undið upp á sig og tengslanetið er nýtt til að fara í útrás með bjórinn. „Vinur minn á bar í Köben og þeir eru að fara til Köben þannig við erum að reyna að koma bjórnum áfram þangað,“ segir Ágúst og heldur áfram: „Bara þetta, að snúðurinn sem ég bakaði, endaði í bjór og er kominn á krana í Köben, það er náttúrulega geðveikt. Mér finnst líka svo gaman að varan sem þeir eru búnir að framleiða úr vörunni minni er orðin „success“. Þetta er því eiginlega tvöfalt „success“. Fyrst hugsaði ég með mér að þetta gæti ekki klikkað því snúðarnir eru svo góðir, en svo áttaði ég mig á því að það þarf líka að kunna að brugga góðan bjór til að þetta gangi. Fyrst ætlaði ég að fara að eigna mér allan heiðurinn,“ segir hann hlæjandi.

„Það er ekkert mál að gera vondan bjór úr snúðunum hans,“ skýtur bruggmeistarinn Valgeir Valgeirsson inn í. Þeir eru þó sammála um að gott hráefni leggi grunninn að góðri vöru.

Ronaldo bruggsins sinnir blautu verkunum 

Það má segja að það hafi hlaupið á snærið hjá RVK Brewing Co á dögunum þegar félagið fékk Valgeir til liðs við sig, en hann hefur verið kallaður Ronaldo bruggsins á Íslandi, og starfaði áður hjá Borg brugghúsi. „Ég sinni öllum blautu verkunum hérna inni. Þeir voru búnir að framleiða nokkra bjóra og ég mun endurtaka það. Svo kem ég með mitt eigið líka,“ segir Valgeir en hann mun framvegis koma meira að hönnun bjóranna.

Á bruggstofunni í Skipholti 31 getur fólk komið inn af ...
Á bruggstofunni í Skipholti 31 getur fólk komið inn af götunni og bragðað dýrindishandverksbjór. mbl/Arnþór Birkisson

Starfslýsing bruggmeistarans felur eðlilega í sér bjórsmökkun svo það má segja að stöðugt sé verið að sulla í bjór við framleiðsluna. „Það þarf að meta þroska á bjórnum. Þetta er lifandi vara sem tekur sinn tíma í að verða til. Bragðlaukarnir eru langbesta mælitækið. Svo þegar búið er að tappa honum eða hann kominn á kúta þá breytist hann með tímanum og þá þarf líka prófa hann. Þó maður væri ekki einu sinni til í að smakka þá þyrfti maður að gera það,“ segir Valgeir sem fúlsar nú sjaldan við góðum bjór.

Hann segir Co&Co-bjórinn vera mikla bragðbombu, en styrkleikinn er 10 prósent. Fullkominn bjór til að deila og njóta með öðrum. „Það á að vera smá serimónía að fá sér einn og njóta,“ segir Valgeir.

„Bjórheimurinn er svipaður vínheiminum. Breiddin á gæðum og ímynd er rosalega mikil og það eru árgangar. Sumt er bara til þess að njóta í einstaka tilvikum. Sumir bjórar eru rándýrir og seljast á tugi þúsunda á netinu. Allt snobbið sem er í víninu er til staðar í bjórnum, en fjölbreytileikinn í bjórnum er meiri ef eitthvað er,“ segir hann.

Vitundarvakning að eiga sér stað

Mikil þróun hefur átt sér stað í bjórgerð á síðustu árum og áratugum og Bandaríkjamenn hafa komið sérstaklega sterkir inn hvað það varðar.

„Fyrir tuttugu árum síðan hlógu allir að Bandaríkjamönnum fyrir hvað þeir væru lélegir í bjór, en í dag hafa þeir tekið afgerandi forystu í bjórgerð í heiminum. Þeir eru leiðandi á öllum sviðum. Hluti af Evrópu er bundinn í vana, eins og í Þýskalandi eru mjög strangar reglur um það hvað má kallast bjór. Það má segja að Norðurlöndin séu framsæknust í bjórgerð í Evrópu,“ segir Sigurður.

Íslendingar eru ágætlega staddir þegar kemur að þróun og framsækni. „Ísland er nokkuð framarlega en mér finnst samt að það eigi eftir að auka meðvitund meðal almennings. Það er stór hópur af fólki sem leitar uppi betri bjóra og handverksbjóra, en Íslendingar eru samt mikið þannig að þeir tala um bjór sem bara bjór. Þeir panta sér mat og bjór og er nákvæmlega sama hvaða bjór kemur svo framarlega sem hann er gulur, kaldur og í stóru glasi. Það er samt að verða vitundarvakning,“ segir Sigurður.

Mikil sprenging hefur orðið á síðustu árum og hvert brugghúsið á fætur öðru hefur sprottið upp. Nú eru 21 handverksbrugghús starfandi um allt land. Þeir eru sammála um að bruggun sé orðin heilmikill iðnaður hér á landi, á jákvæðan hátt.

Eyddu síðasta kvöldinu á Íslandi hjá RVK Brewing Co

Eins og áður sagði eru engar merkingar á brugghúsi RVK Brewing Co og þeir sem ganga fram hjá hafa í raun ekki hugmynd um hvaða starfsemi fer þar fram. Fólk verður að vita að hverju það er að leita.

„Hingað kemur fólk, aðallega Ameríkanar, sem er búið að kynna sér okkur fyrir fram. Í gær kom til dæmis par frá Bandaríkjunum og hún sagðist hafa fylgst með okkur á Facebook í sex mánuði. Þau voru búin að ferðast um landið í þrjár vikur, taka allan hringinn, og komu síðasta kvöldið til okkar. Fólk sem kemur hingað hefur eitthvað markmið. Það flokkast undir bjórtúrisma. Fólk sem fer og skoðar náttúruna en kemur líka í þeim tilgangi að heimsækja brugghús og upplifa betri bjóra, eða leita uppi bari sem selja bjóra frá handverksbruggurum,“ segir Sigurður.

Valgeir er stundum kallaður Ronaldo bruggsins á Íslandi.
Valgeir er stundum kallaður Ronaldo bruggsins á Íslandi. mbl.is/Arnþór Birkisson

Félagið hefur ekkert auglýst sig, fyrir utan að setja upp Facebook-síðu. En þeir hafa lítið notað hana til í auglýsingaskyni. „Við byrjum þetta hægt og rólega, setjum upp merkingar og svo spyrst þetta út. Við til dæmis birtum í gær færslu á Facebook um að Valgeir væri kominn til okkar og eftir það fór heilmikið af nýju fólki að fylgjast með okkur,“ segir hann.

Fólk til að borga meira fyrir betri vörur

Það er óhætt að segja að það sé mikil gerjun bæði í bjór- og bakaríismenningu á Íslandi, svo það er vel við hæfi að aðilar í slíkri framleiðslu fari í samstarf og úr verði gæðavara. „Fólk er meira til í að borga aðeins meira fyrir eitthvað sem er miklu betra, hvort sem það er matur eða eitthvað annað. Ég held að það sem eigi undir högg að sækja í dag sé vondur skyndibiti. Því það er alveg hægt að gera góðan skyndibita sem kostar aðeins meira,“ segir Ágúst. Það er hans mat að Íslendingar séu mun opnari fyrir nýjungum nú heldur en fyrir nokkrum árum.

Þá er bjórmenningin líka að þróast að sögn Sigurðar. „Betri bjórmenning þar sem fólk horfir ekki bara í áfengisprósentuna og að drekka sem mest áfengismagn, heldur er verið horfa á ákveðna upplifun.“

Hægt verður að bragða á Co&Co á bjórhátíð sem haldin verður á Bryggjunni brugghúsi á milli klukkan 13 og 19 á laugardag. Þar getur fólk kíkt við og smakkað bjóra frá RVK Brewing Co og tíu öðrum handverksbrugghúsum. Aðgangur er ókeypis en greitt er fyrir smakkið.

mbl/Arnþór Birkisson
mbl.is

Innlent »

Athugull gaffall og snjall diskur

Í gær, 22:49 Eldhúsið eins og við þekkjum það í dag verður hugsanlega safngripur eftir einhver ár. Það verður ekki lengur fyrst og fremst herbergið þar sem við eldum matinn, heldur stjórnstöð þar sem við gefum tækjum og áhöldum skipanir. Meira »

Forsætisráðherra heimsótti Hæstarétt

Í gær, 21:35 Katrín Jak­obs­dótt­ir for­sæt­is­ráðherra heimsótti Hæstarétt í dag og kynnti sér starfsemi réttarins. Er þetta í fyrsta skipti sem forsætisráðherra heimsækir réttinn í þessum tilgangi. Meira »

Fjölskyldur frændanna tengjast á ný

Í gær, 21:19 Ráðning Vilhelms Más Þorsteinssonar í starf forstjóra Eimskips, sem tilkynnt var um í gær, þýðir að fjölskyldur náfrændanna Þorsteins Más Baldvinssonar hjá Samherja og Þorsteins Vilhelmssonar, athafnamanns og föður nýs forstjóra, tengjast á ný á viðskiptasviðinu. Meira »

Þreyttir á bið eftir áhættumati

Í gær, 20:56 Hundaræktarfélag Íslands krefur Kristján Þór Júlíusson, sjávar- og landbúnaðarráðherra, um svör vegna frestun á birtingu nýs áhættumats á innflutningi gæludýra til Íslands. Upphaflega var gert ráð fyrir að áhættumatið yrði tilbúið í apríl 2018, en matið hefur enn ekki litið dagsins ljós. Meira »

Vilja lækka hámarkshraða við Hringbraut

Í gær, 20:44 Skoðað verður að lækka hámarkshraða við Hringbraut úr 50 km/klst. niður í 40 km/klst., bæta lýsingu við gangbrautir og bæta stýringu umferðarljósa. Þetta voru tillögur sem fulltrúar Vegagerðarinnar komu með á fund umhverfis- og samgöngunefndar Alþingis. Meira »

„Hefði getað farið illa“

Í gær, 20:19 Björgunarsveitin Skagfirðingasveit fékk á þriðjudaginn útkall um að vélsleðamaður hefði fallið í gegnum vök. Nokkrum mínútum síðar var útkallið afturkallað eftir að maðurinn komst upp að sjálfsdáðum. Síðar um daginn tóku tíu meðlimir sveitarinnar þátt í að draga vélsleðann upp. Meira »

Draumurinn að fylgja strákunum alla leið

Í gær, 20:19 „Þetta er æðislegt móment,“ sagði Benja­mín Hall­björns­son, betur þekktur sem Benni Bongó, syngjandi sæll og glaður þegar blaðamaður mbl.is náði tali af honum símleiðis eftir sigurinn gegn Makedóníu. „Þetta var geggjuð upplifun og frábær stemning og gaman að sjá liðið svona vel peppað.“ Meira »

Tveggja herbergja íbúðir á 14-16 milljónir

Í gær, 19:29 Fyrirtækið Pró hús ehf. ætlar að byggja 15 íbúða fjölbýlishús í Þorlákshöfn að Sambyggð 14a. Framkvæmdir hefjast í apríl og stefnt er á að afhenda íbúðirnar í júlí/ágúst 2019. Í fréttatilkynningu kemur fram að íbúðirnar verði ódýrar. Meira »

Þrjóskur með sterkan lífsvilja

Í gær, 19:20 Það hlýtur að vera sterkur lífsvilji, þrjóska eða þá að það er seigt í mér, ég veit það ekki,“ segir Tryggvi Ingólfsson, 69 ára gamall Rangæingur. Meira »

100 milljóna uppgröftur á eigin kostnað

Í gær, 18:52 Eigandi lóðar í Leirvogstungu í Mosfellsbæ hefur krafist þess að bæjaryfirvöld og Minjastofnun Íslands hefji uppgröft eftir fornleifum á lóðinni hið fyrsta á þeirra kostnað. Einnig krefst hann þess að Mosfellsbær og Minjastofnun viðurkenni bótaskyldu vegna tjóns. Meira »

Álagningin lækkar á kjörtímabilinu

Í gær, 18:34 Ákvæði laga kveða skýrt á um heimild og fyrirkomulag álagningar fasteignaskatta og hvernig reikna skuli stofn álagningar fasteignagjalda, samkvæmt umsögn fjármálastjóra og borgarlögmanns Reykjavíkurborgar um erindi Félags atvinnurekenda (FA) til borgarinnar. Meira »

Veikburða og óskilvirkt eftirlit

Í gær, 18:25 „Á grundvelli þeirra gagna og upplýsinga sem Ríkisendurskoðun aflaði er ljóst að eftirlit Fiskistofu með vigtun sjávarafla […] er takmarkað og efast má um að það skili tilætluðum árangri,“ er meðal þess sem kemur fram í stjórnsýsluúttekt Ríkisendurskoðunar á Fiskistofu. Meira »

Fá sömu móttöku við komuna til landsins

Í gær, 17:58 Ríkisstjórnin hefur samþykkt tillögur Ásmundar Einars Daðasonar, félags- og barnamálaráðherra, þess efnis að ekki skipti lengur máli hvort flóttafólk komi hingað til lands sem umsækjendur um alþjóðlega vernd eða í boði stjórnvalda. Móttökur yfirvalda verða þær sömu. Meira »

Sindri skipulagði innbrotin frá A-Ö

Í gær, 17:35 Niðurstaða Héraðsdóms Reykjaness í gagnaversmálinu er sú að Sindri Þór Stefánsson hafi verið höfuðpaurinn og skipulagt öll innbrotin. Hann hafi fengið aðra ákærða til liðs við sig vegna málsins en ákæruvaldið telur að skýringar Sindra, þess efnis að einhver erlendur fjárfestir sem hann óttist hafi lagt á ráðin með honum um „að ræna þetta lið“, sé fjarstæða og uppspuni. Meira »

Tölvupóstum vegna braggamálsins var eytt

Í gær, 17:13 Innri endurskoðandi Reykjavíkurborgar staðfestir að tölvupóstum í tengslum við braggamálið hafi verið eytt en að það beri að varast að túlka það svo að tölvupóstum hafi verið eytt í annarlegum tilgangi. Þetta er meðal þess sem kemur fram í minnisblaði Halls Símonarsonar, innri endurskoðanda Reykjavíkurborgar, sem dagsett er í dag. Meira »

Tæpri 61 milljón úthlutað í styrki

Í gær, 16:51 Úthlutun styrkja menningar, íþrótta- og tómstundaráðs og útnefning Listhóps Reykjavíkur 2019 fór fram í Iðnó í dag. Menningar-, íþrótta- og tómstundaráð hafði 60.888.000 kr. til úthlutunar til styrkja á sviði menningarmála árið 2019 og veitti vilyrði fyrir 75 styrkjum og samstarfssamningum fyrir þá upphæð. En fyrir eru 23 hópar með eldri samninga í gildi. Meira »

Ekki vitað hve margir fá endurgreitt

Í gær, 16:39 Enn er ekki ljóst hversu margir gætu átt rétt á leiðréttingu greiðslna frá Tryggingastofnun vegna ágalla í útreikningi örorkulífeyris þeirra sem hafa búið hluta ævinnar erlendis. Halldóra Mogensen, formaður nefndarinnar, segir í samtali við mbl.is þetta meðal þess sem kom fram á fundi nefndarinnar. Meira »

Málskotsbeiðni lögreglumanns hafnað

Í gær, 16:19 Hæstiréttur hefur hafnað áfrýjunarbeiðni lögreglumannsins Jens Gunnarssonar, sem var dæmdur í 15 mánaða fangelsi í Landsrétti í lok nóvember. Landsréttur staðfesti þar með dóm Héraðsdóms Reykjavíkur frá því í apríl 2017. Meira »

Lögreglan lýsir eftir Toyota Corolla

Í gær, 15:53 Lögreglan á höfuðborgarsvæðinu lýsir eftir rauðri Toyota Corolla með skráningarnúmerið NN568, árgerð 2003, sem var stolið á Rauðarárstíg í Reykjavík síðdegis í gær. Meira »
Cherokee hjólbarðar óskast
Óska eftir hjólbörðum fyrir Grand Cherokee stærð 225/75/16R eða 236/70/16R Uppl...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Baðtæki til sölu
Til sölu nýleg baðtæki, lítið notuð. Baðskápur með handlaug og blöndunartæki 10....
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...