Fjórum milljörðum undir áætlun

Heildarútgjöld, gjöld og fjárfesting, þeirra málaflokka sem heilbrigðisráðherra ber ábyrgð á námu 182,7 milljörðum króna árið 2017. Áætlun ársins gerði ráð fyrir að heildarútgjöldin á árinu yrðu 186,7 milljarðar króna. Endanleg útkoma reyndist því vera tæpum 4 milljörðum undir áætlun eða sem nemur um 2,1%.

Þetta kemur fram í ársskýrslu heilbrigðisráðherra.

Útgjöld málaflokka heilbrigðisráðherra eru almennt innan fjárheimilda, að því er segir í skýrslunni. Frávik einstakra málaflokka eru óveruleg en fram kemur að tilefni sé til að fjalla um frávik tveggja þeirra.

Frétt af mbl.is

Sýslumenn 11% umfram fjárheimild

Útgjöld vegna sjúkraþjálfunar, iðjuþjálfunar og talþjálfunar voru 916 milljónum króna umfram fjárveitingar. Ástæðurnar má rekja til nýs   greiðsluþátttökukerfis sjúklinga sem var innleitt á árinu og leiddi til eftirspurnar umfram áætlanir auk þess sem einingaverð hækkaði um 80 milljónir króna á árinu umfram það sem gert var ráð fyrir.

Frétt af mbl.is

Fyrstu ársskýrslur ráðherra birtar

Útgjöld vegna hjúkrunar- og dvalarrýma voru 2,7 milljörðum króna undir fjárheimildum. Ástæðurnar stafa af töfum á byggingu hjúkrunarheimila sem eru í framkvæmdaáætlun um byggingu nýrra hjúkrunarrýma. Fjárfestingarframlög verða því greidd seinna út en gert var ráð fyrir og það sama gildir um framlag vegna reksturs hjúkrunarheimila sem eru í byggingu.

Rekstrarframlög eru ekki nýtt þá mánuði sem frestunin varir.

• Blogga um frétt