Lögreglunni á Suðurnesjum barst í vikunni tilkynning um fund fíkniefna á bifreiðastæðinu framan við Flugstöð Leifs Eiríkssonar. Þegar lögreglumenn komu á vettvang reyndist vera um að ræða poka með kannabisefni og litla glerpípu. Efnið og pípan voru haldlögð og þeim fargað.
Frá þessu greinir lögreglan á Suðurnesjum.
Þá segir hún frá því, að farþegaflugvél varð að lenda á Keflavíkurflugvelli í vikunni vegna veikinda farþega. Vélin var á leiðinni frá Amsterdam til Seattle þegar farþeginn veiktist. Viðkomandi var flutt með sjúkrabifreið á Heilbrigðisstofnun Suðurnesja til aðhlynningar.