Hæstiréttur hefur fallist á málskotsbeiðni Ástu Kristínar Andrésdóttur hjúkrunarfræðings í máli hennar gegn íslenska ríkinu. Ásta Kristín var sýknuð af ákæru um manndráp af gáleysi og krafðist þess að ríkinu yrði gert að greiða henni fjórar milljónir í skaðabætur vegna málsins.

Fram kemur í beiðni Ástu að málið hafi verulegt almennt gildi, meðal annars sökum þess að annmarkar hafi verið á rannsókn sakamálsins. Auk þess hafi Landsréttur nálgast skaðabótamálið með röngum hætti og meðferð málsins því ábótavant að því leyti.

Landsréttur staðfesti í lok september dóm Héraðsdóms Reykjavíkur í skaðabótamáli Ástu Kristínar gegn ríkinu þar sem ríkið var sýknað. 

Frétt af mbl.is

Fær ekki bætur

Skaðabótakraf­an var byggð á því að starfs­menn rík­is­ins, einkum lög­reglu­menn sem komu að rann­sókn máls­ins, hafi gert mis­tök við upp­haf máls­ins sem hafi leitt til þess að Ásta Krist­ín tók á sig ábyrgð á and­láti sjúk­lings­ins að ósekju. Ekki var hins veg­ar fall­ist á að bóta­skylda hefði skap­ast vegna fram­göngu lög­regl­unn­ar.

Fram kom í dómi Lands­rétt­ar að þrátt fyr­ir for­send­ur þær sem fram komi í niður­stöðu Héraðsdóms Reykja­vík­ur í saka­mál­inu um að rann­sókn þess hafi verið ábóta­vant yrði ekki talið í ljósi gagna máls­ins að lög­regl­an hafi sýnt af sér sak­næma og ólög­mæta hegðun eða að ákæru­valdið hafi ekki farið að lög­um.

Fram kemur í niðurstöðu Hæstaréttar vegna málskotsbeiðni Ástu Kristínar að í málinu reyni á álitaefni um skilyrði réttar til skaðabóta og hugsanlega meðábyrgð Ástu Kristínar. Það geti haft almennt gildi og umsóknin því tekin til greina.

Tengdar fréttir

Hjúkrunarfræðingur sýknaður

Ríkið sýknað af kröfu Ástu Kristínar

• Fær ekki bætur
• Deilt um bótakröfu hjúkrunarfræðings
• Fer fram á 4 milljónir í bætur
• Ásta Kristín fer fram á bætur

» Fleiri tengdar fréttir

• Blogga um frétt