Það er ljúf jólastemning í skógræktinni í Heiðmörk nú um helgina á hinum sívinsæla jólamarkaði. Hugmyndin með markaðnum er að þangað geti fjölskyldur komið og notið þess að vera í ró og næði úti í náttúrunni. Jólamarkaðurinn er hluti af markmiði Skógræktarfélags Reykjavíkur að efla skógarmenningu.
Jólamarkaðurinn hefur verið haldinn við Elliðavatnsbæinn í Heiðmörk undanfarinn áratug og er heimsókn á markaðinn orðin hluti af aðventuvenjum margra.
Markaðurinn er opinn allar helgar til jóla, laugardaga og sunnudaga, milli klukkan tólf og fimm.
Í Rjóðrinu er kveiktur varðeldur og barnabókahöfundar lesa upp úr verkum sínum klukkan 14. Í dag mun Guðrún Eva Mínervudóttur lesa, tónlistarmaðurinn ira Kira og Andri Ásgrímsson flytja tónlist og Huginn Þór Grétarsson lesa í Rjóðrinu.