Telur aðra hafa valdið dauða Sanitu

Khaled Cairo var sakfelldur í Héraðsdómi Reykjavíkur fyrir morð og ...
Khaled Cairo var sakfelldur í Héraðsdómi Reykjavíkur fyrir morð og dæmdur í 16 ára fangelsi. mbl.is/​Hari

„Hvar er hann? Hver er hann? Hann er horfinn,“ sagði Khaled Cairo fyrir Landsrétti í morgun þegar farið var yfir framburð hans fyrir Héraðsdómi Reykjavíkur þar sem hann var dæmdur í 16 ára fangelsi 18. april á síðasta ári fyrir að myrða Sanitu Brauna í íbúð við Hagamel í Reykjavík í september 2017, en Cairo áfrýjaði fangelsisdóminum til Landsréttar.

Vísaði Cairo þar til svarts karlmanns sem kom inn í íbúðina skömmu áður en hann varð Sanitu að bana. Sagði Cairo að þessi maður gæti allt eins hafa valdið dauða hennar. Þá vildi hann einnig meina að Sanita hefði hugsanlega látist eftir að hún var flutt á sjúkrahús vegna mistaka heilbrigðisstarfsmanna, enda vildi hann meina að hún hefði þá enn verið á lífi, eða vegna piparúða sem lögreglan notaði á hann og gæti hafa lent einnig á henni.

Fram kom í dómi héraðsdóms að hafið væri yfir allan vafa að Cairo hefði veist að Sanitu Brauna með því að slá hana ítrekað í höfuðið með bæði flösku og slökkvitæki. Frammi á gangi íbúðarinnar hefði Cairo þrengt kröftuglega með höndunum að hálsi hennar þar sem hún lá á gólfinu og að lokum slegið Sanitu með slökkvitæki í höfuðið aftanvert.

Missti algerlega stjórn á sér

Cairo sagðist aðeins muna eftir hluta af atburðarásinni. Fram kom fyrir dómi að Cairo hefði komið á heimili Sanitu, verið hleypt inn í íbúðina og farið inn í herbergi hennar. Þar hafi hann séð að hún hefði fengið tölvuskilaboð frá öðrum karlmönnum. Hann hafi verið hissa á að hún væri í sambandi við aðra karla. Hún hefði sagt sé að hann væri sá eini.

Einnig kom fram að Cairo hafi viljað gista hjá Sanitu um nóttina þar sem strætisvagnar hafi verið hættir að ganga. Hún hafi ekki viljað það þar sem hún ætti von á öðrum karlmanni. Fyrir dómi sagðist Cairo ekki hafa trúað því fyrr en svarti maðurinn hafi birst í dyragættinni. Fram kom að hann hefði verið með flösku í hendinni enda verið að drekka.

Cairo sagðist hafa orðið reiður og ætlað að kasta flöskunni í aðkomumanninn en hún hafi lent í Sanitu í staðinn. Hann myndi síðan eftir sér á gangi íbúðarinnar með slökkvitæki í höndunum sem hann hafi sveiflað. Hins vegar myndi hann ekki hvernig slökkvitækið hafi komist í hendur hans. Hann hafi verið mjög reiður og algerlega misst stjórn á sér.

Það næsta sem Cairo sagðist muna eftir var að einhver hafi opnað dyr íbúðarinnar og hann sagt viðkomandi að loka dyrunum. Síðan myndi hann eftir því að lögreglan kom á vettvang og sprautaði einhverju á hann sem var piparúði. Sagðist hann ekki telja að hann hefði valdið dauða Sanitu. Hann sagðist ekki muna eftir að hafa tekið Sanitu hálstaki.

Ást, afbrýðisemi, reiði og hungur

Cairo sagðist aðspurður hafa farið heim til Sanitu vegna þess að hann hafi vilja hitta hana áður en hún færi til Lettlands að hitta ættingja sína sem hún hafi sagt að hana langaði að gera. Hann hafi verið búinn að biðja hana að giftast sér. Cairo sagði að tilfinningar eins og ást, afbrýðisemi, reiði og hungur hafi farið af stað þegar hann hefði séð svarta karlmanninn hjá Sanitu.

Tveir lögreglumenn sem komu á vettvang á sínum tíma komu fyrir dóminn og staðfestu að hafa séð Cairo blóðugan yfir Sanitu, skipað honum að leggjast niður og beitt piparúða á hann þegar hann hafi ekki orðið við því. Lögreglumenn hafi ekki fundið lífsmark með Sanitu en annar þeirra sagðist hafa heyrt á sjúkraflutningamönnunum að veikt lífsmark hafi verið um að ræða.

Geðlæknir sem skoðaði Cairo sagði aðspurður ekkert hafa bent til þess að hann væri ekki sakhæfur. Ekkert hafi bent til þess að hann væri með geðrof þrátt fyrir óvenjulega hegðun eftir að hafa verið handtekinn þar sem hann nálgaðist málið af léttúð. Sagði læknirinn að hann teldi þarna um ákveðin varnarviðbrögð að ræða sem væru þekkt við aðstæður sem þessar.

mbl.is

Innlent »

Segja birtingu álits siðanefndar fráleita

23:07 Fjórir þingmenn Miðflokksins segja það fráleitt að álit ráðgefandi siðanefndar um Klaustursmálið svokallaða hafi verið birt á vef Alþingis í kvöld, áður en frestur til að skila andmælum rynni út. Í tilkynningu frá Miðflokknum segir að slíkt gangi gegn stjórnsýslulögum. Meira »

Renndu sér 100 sinnum fyrir SÁÁ

22:15 „Það er mikilvægt að hafa þetta opið fyrir þá sem þurfa að nýta sér þessa þjónustu,“ segir Kolbrún Ósk Jóhannsdóttir formaður Skólafélagsins Hugins í Menntaskólanum á Akureyri. Meira »

Nanna nuddar hunda

21:55 „Nudd er dýrum oft nauðsyn. Rétt eins og við mannfólkið hafa þau vöðva og sinar sem þurfa hreyfingu og aðhlynningu eigi vel að vera. Raunar er vitundin um vellíðan dýranna stöðugt að aukast, sem er gleðiefni,“ segir Nanna Lovísa Zóphaníasdóttir hundanuddari. Meira »

Yfir 250 jarðskjálftar í Öxarfirði

21:29 Jarðskjálftahrina hefur staðið yfir í Öxarfirði síðan síðastliðinn laugardag, hrinan er staðsett um 6 km suðvestur af Kópaskeri. Stærstu skjálftarnir sem hafa verið staðsettir eru á milli 2,5 og 3,1 að stærð. Yfir 250 skjálftar hafa verið staðsettir á svæðinu. Meira »

Hjólin snúast á ný

21:15 „Þetta var mjög erfitt. Ég er ótrúlega heppin og þakklát fyrir starfsfólkið. Þau stóðu sig svo vel öll sem eitt,“ segir Lísa Lotta Björnsdóttir leikskólastjóri í Lyngholti á Reyðarfirði. Í gær sneru átta starfsmenn og 14 börn aftur í skólann eftir þriggja vikna einangrun vegna mislingasmits. Meira »

Tóm vitleysa eða ósköp eðlilegt?

21:03 Formaður SAF og framkvæmdastjóri Eflingar eru ekki sammála um hvort það sé viðeigandi að hengja upp veggspjöld á hótelum þar sem ferðafólk er hvatt til að ferðast ekki með hópferðabílum í verkföllum á fimmtudag og föstudag. Meira »

Ekki einkasamtal á Klaustri

20:15 Það er mat meirihluta ráðgefandi siðanefndar, sem forsætisnefnd leitaði til vegna Klaustursmálsins svokallaða, að samtalið, sem átti sér stað á barnum Klaustri 20. nóvember milli sex þingmanna og var tekið upp, geti ekki talist einkasamtal. Meira »

Áskorun að ná til ferðamanna

20:05 „Þetta er einstakt á heimsvísu. Hvergi annars staðar í heiminum er vöktun náttúruvár jafn samþætt og hér á landi,“ segir Ingvar Kristinsson framkvæmdastjóri Eftirlits- og spásviðs Veðurstofu Íslands. Meira »

Öryggi farþega háð fiskiflotanum

18:50 „Það er bara ekki raunverulegur valkostur að segja að við munum ráða við svona stórt verkefni. Menn munu þurfa að miða sín viðbrögð við þá getu sem er til staðar,“ segir Jón Gunnarsson, formaður umhverfis- og samgöngunefndar Alþingis. Meira »

Píratar hafna tilskipun um höfundarrétt

18:04 „Þingflokkur Pírata mun beita sér gegn því að nýsamþykkt höfundarréttartilskipun Evrópusambandsins verði tekin upp í EES- samninginn óbreytt,“ að því er segir í fréttatilkynningu frá flokknum. Umdeild tilskipun um höfundarrétt var samþykkt á Evrópuþingi í dag. Meira »

Efla samstarf í varnar- og öryggismálum

17:36 Guðlaugur Þór Þórðarson utanríkisráðherra og Jeremy Hunt, utanríkisráðherra Bretlands, undirrituðu á fundi sínum í Lundúnum í dag samkomulag milli Íslands og Bretlands um að efla tvíhliða samstarf ríkjanna í varnar- og öryggismálum. Meira »

Markmiðið hafið yfir vafa

17:25 Eftirliti með fjárhag flugrekenda í því skyni að tryggja flugöryggi er alltaf hagað í samræmi við aðstæður hverju sinni.  Meira »

Óskar Hrafn samskiptastjóri VÍS

17:02 Óskar Hrafn Þor­valds­son hef­ur verið ráðinn sam­skipta­stjóri VÍS. Óskar tek­ur við af Andra Ólafs­syni sem hverf­ur til starfa á öðrum vett­vangi. Meira »

Glerbrot fannst í salsasósu

16:41 Aðföng hafa tekið úr sölu og innkallað Tostitos Chunky Salsa, medium, í 439,4 gramma glerkrukkum. Ástæða innköllunarinnar er sú að glerbrot fannst í einni krukku. Meira »

„Erum að vinna þetta mjög hratt“

16:29 Skúli Mogensen, forstjóri WOW air, segir að mikil vinna sé fram undan hjá félaginu en miklu máli skipti að hlutirnir gerist hratt næstu daga. „Við erum að vinna með öllum aðilum, kröfuhöfum og stjórnvöldum í að tryggja langtímafjármögnun félagsins. Þeirri vinnu miðar vel áfram,“ sagði Skúli í samtali við RÚV fyrr í dag. Meira »

Verði merkt með sýklalyfjanotkun

16:16 Þingmenn Miðflokksins hafa lagt fram frumvarp til breytingu á lögum um matvæli þess efnis að matvæli sem boðin eru til sölu verði merkt með upprunalandi og meðalnotkun sýklalyfja við framleiðslu matvæla í viðkomandi landi. Meira »

Upplýsingalög nái til dómstóla

15:58 Ríkisstjórnin afgreiddi í dag tvö frumvörp, annað um að upplýsingalög nái til allra þátta ríkisvalds, hitt um starfshætti í vísindum. Annars vegar er um að ræða löggjöf á sviði tjáningar-, fjölmiðla- og upplýsingafrelsis og hins vegar frumvarp sem fjallar um vandaða starfshætti í vísindum. Meira »

Sakfelldur fyrir meiri háttar skattabrot

15:56 Héraðsdómur Reykjavíkur dæmdi karlmann í síðustu viku í sex mánaða skilorðsbundið fangelsi fyrir meiri háttar brot gegn skattalögum. Auk þess var maðurinn dæmdur til að greiða 49 milljónir króna í sekt. Meira »

Ekki í neinu jarðsambandi

15:45 Formaður FHG – fyrirtækja í hótel- og gistiþjónustu segir stéttarfélögin sem hafa átt í kjaraviðræðum við Samtök atvinnulífsins ekki vera í neinu jarðsambandi. Meira »
Kolaportið alltaf gott veður!
Góða veðrið og góða skapið er í KOLAPORTINU!...
Davíð Stefánsson frá Fagraskógi
Til sölu ljóðabréf frá Davíð Stefánssyni til vinar síns. 15 erindi ásamt áritaðr...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...