Brunavörnum Árnessýslu bárust boð um að eldur væri í bifreið á Eyrarbakka rétt eftir klukkan sex í morgun. Bifreiðin var upp við bensíndælu á bensínstöð og því var talsverður viðbúnaður viðhafður vegna nálægðar bifreiðarinnar við bensíndæluna.
Fyrstu aðilar á vettvang notuðu duftslökkvitæki sem slógu verulega á eldinn en eftir að dælubifreið kom á vettvang gekk slökkvistarf greiðlega.
Fram kemur í tilkynningu Brunavarna Árnessýslu á Facebook að talið sé að kviknað hafi í út frá vélbúnaði.