Samfylking, Píratar, Viðreisn og Flokkur fólksins lýsa yfir „miklum vonbrigðum“ með stuðning ríkisstjórnarflokkanna við tillögu Miðflokksins á fundi umhverfis- og samgöngunefndar Alþingis í morgun. Þetta kemur fram í tilkynningu frá flokkunum.

Flokkarnir segja tillögu Miðflokksins hafa falið í sér brot á samkomulagi stjórnar og stjórnarandstöðu á Alþingi um skiptingu á formennsku í nefndum.

„Fulltrúar minnihlutans höfðu margsinnis lagt til að Miðflokkur tilnefndi einhvern þeirra þriggja þingmanna flokksins sem ekki höfðu tekið þátt í samkomunni á Klaustri. Minnihlutinn hefur einnig ítrekað lagt til að formannsembættið færist til á næsta flokk í stjórnarandstöðunni á meðan Miðflokkurinn leysir ekki úr sínum málum og lögðu því til að fulltrúi Viðreisnar tæki við formennsku fyrir hönd minnihlutans,“ segir í tilkynningu.

„Afstaða hins nýja meirihluta liggur nú fyrir. Stjórnarflokkarnir nýta sér þær fordæmalausu aðstæður sem uppi eru og varða virðingu Alþingis og störf til að ganga á bak orða sinna varðandi samkomulag við stjórnarandstöðuna um skiptingu formennsku í nefndum.“

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• Blogga um frétt