Flest skíðasvæði landsins verða opin í dag og verður opnað í Bláfjöllum, Skálafelli og Hlíðarfjalli klukkan tíu. Á sama tíma verður einnig hægt að skella sér á skíði á Siglufirði og Ísafirði.
Í Hlíðarfjalli er stromplyftan lokuð vegna bilunar en spáð er hægum vindi, N 2-3 m/s og um 7 til 10 stiga frosti í Hlíðarfjalli í dag. Sólin skín á suðurhimninum og nóg af nýjum snjó í fjallinu eftir snjókomu síðustu daga.