Búast má við umferðartöfum á höfuðborgarsvæðinu á morgun, föstudag, vegna heimsóknar utanríkisráðherra Bandaríkjanna, Michael R. Pompeo, og fylgdarliðs hans.
Lögreglan á höfuðborgarsvæðinu greinir frá því á Facebook að búast megi við lítils háttar umferðartöfum í miðborginni og á stofnbrautum í austurborginni í hádeginu og um kaffileytið. Vegfarendur eru beðnir um að sýna þolinmæði á meðan ráðherrann fer á milli staða.
Pompeo mun eiga fund með Katrínu Jakobsdóttur forsætisráðherra og Guðlaugi Þór Þórðarsyni utanríkisráðherra meðan á dvöl hans á landinu stendur.