Vegna verkfallsboðunar VR og Eflingar á hótelum dagana 28. og 29. mars hefur stjórn VM, félags vélstjóra og málmtæknimanna, tekið þá ákvörðun að breyta fundarstað aðalfundar sem auglýstur var á Grand hótel Reykjavík. Þetta kemur fram í tilkynningu frá VM.

Fundurinn verður haldinn á Hallveigarstíg 1 í miðborg Reykjavíkur, á áður auglýstum tíma, eða föstudaginn 29. mars kl. 17.

„Ljóst er að ef fundurinn færi fram á Grand hótel gætu komið upp aðstæður sem væri hægt að túlka sem verkfallsbrot. VM virðir verkfallsrétt allra launamanna á landinu og telur ekki annað hægt en að færa fundinn vegna þessa.

VM styður verkfallsaðgerðir Eflingar og VR, enda er það réttur launafólks að leggja niður störf til þess að knýja á um kjarabætur,“ segir í tilkynningu VM.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt