Shahnaz Safari og börnum hennar tveimur, Zainab og Amil, verður ekki veitt alþjóðlegt vernd hér á landi samkvæmt úrskurði kærunefndar útlendingamála.
Frá þessu var greint í kvöldfréttum RÚV en kærunefndin komst að niðurstöðu sinni í vikunni. Óskað var eftir frestun réttaráhrifa og að mál þeirra yrði tekið fyrir að nýju en báðum kröfum var hafnað.
Magnús Davíð Norðdahl, lögmaður fjölskyldunnar, sagði í samtali við RÚV að málinu væri ekki lokið.
Samnemendur Zainab í Hagaskóla söfnuðu 600 undirskriftum og 6.000 rafrænum undirskriftum vegna máls fjölskyldunnar. Auk þess stóðu þeir fyrir mótmælum þar sem brottvísun fjölskyldunnar var mótmælt.
Fram kemur í frétt Stundarinnar í dag að nemendur Hagaskóla muni halda áfram að berjast fyrir Zainab og fjölskylduna þrátt fyrir hinar neikvæðu fréttir.