Niðurstaðan úr mati hæfnisnefndar um umsækjendur um Landsrétt kom sumum nefndarmanna nokkuð á óvart þegar hún lá fyrir.

Töldu að minnsta kosti tveir þeirra eftir á að hyggja að dómarareynsla hefði átt að vega þyngra við skipun réttarins, en samkvæmt venju var hún látin vega jafnt á við reynslu af lögmanns- og stjórnsýslustörfum. Það kom hins vegar aldrei til greina að hrófla við niðurstöðunni eftir að hún lá fyrir, enda væri þá mögulega verið að hygla sumum dómaraefnanna á kostnað annarra.

Þá hafði nefndin ákveðið fyrir fram að hún myndi einungis nefna þá 15 sem efstir væru sem hæfasta, en dómsmálaráðherra lagði til að nefndin nefndi 20.

Þá taldi nefndin sig bundna af lögum og reglum um störf nefndarinnar og því hefðu kynjasjónarmið ekki verið á meðal þess sem lagt var til grundvallar, að því er fram kemur í fréttaskýringu um þetta mál í Morgunblaðinu í dag.

Tengdar fréttir

Landsréttur

Eiganda buy.is gert að greiða 258 milljónir

• Sex mál endurupptekin vegna Landsréttarmálsins
• Mál Guðmundar fyrir Landsrétt á ný
• Endurupptaka breyti ekki endilega niðurstöðunni
• Gott að það sé komin staðfesting

» Fleiri tengdar fréttir