„Fundur utanríkismálanefndar sem haldinn var í gær fimmtudaginn 9. maí kl. ‪13:00‬ var boðaður með SMS-skilaboðum og tölvupósti sem send voru miðvikudaginn 8. maí kl. ‪16:13‬ og ‪16:18‬. Ekkert er óvanalegt við þá fundarboðun eða fyrirvara. Fundartafla nefndardaga var send öllum þingmönnum í tölvupósti mánudaginn 6. maí kl. ‪15:06‬ og þar kom skýrt fram að utanríkismálanefnd ætti fundartíma frá kl. ‪13:00‬ á fimmtudeginum 9. maí svo sá fundartími getur ekki hafa komið á óvart. Að auki má auðvitað nefna að tímasetning og dagskrá nefndarfunda birtist alltaf líka undir flipanum „fundir og heimsóknir“ á heimasíðu þingsins,“ segir Áslaug Arna enn fremur vegna ummæla Sigmundar.

Þar að auki hafði verið farið yfir dagskrá fundarins í utanríkismálanefnd í gær á morgunfundi nefndarinnar á miðvikudaginn sem og upptalningu á öllum gestum fundarins. „Ég hafði einnig nefnt það við fulltrúa Miðflokksins að fimmtudagsfundurinn væri einstaklega langur og þéttur,“ segir Áslaug og bætir við: „Ég mæli með að fara frekar í málefnaumræðu um orkupakkann í stað þess að reyna tortryggja hefðbundna fundi nefndarinnar sem Miðflokksmenn hreinlega gleymdu eða kusu að mæta ekki á.“