Óvenjufá banaslys í ár

Þrír hafa látist í bílslysum á Íslandi það sem af ...
Þrír hafa látist í bílslysum á Íslandi það sem af er ári. mbl.is/Eggert Jóhannesson

Þrír hafa látist í umferðarslysum það sem af er ári og er það töluvert minna en undanfarin ár. Frá aldamótum til ársloka í fyrra dóu 338 í bílslysum á Íslandi, eða að meðaltali 18,8 á ári. Í fyrra létust 15, þar af þrír í janúarmánuði einum.

Því er ljóst að um töluvert frávik er að ræða í ár, en aðeins einu sinni á bílaöld hafa álíka fáir látist í umferðinni. Það var árið 2014 þegar fjórir létust.

Samgöngustofa hefur útbúið nákvæma greiningu á bílslysum fyrstu fimm mánaða ársins og má nálgast slysatölur hér. Í samtali við mbl.is segir Þórhildur Elín Elínardóttir, samskiptastjóri stofnunarinnar, að þótt jákvætt sé að banaslys séu jafn fá og raun ber vitni, sé verra að alvarleg slys standi nokkurn veginn í stað frá fyrra ári. 67 slösuðust alvarlega í umferðinni á fyrstu fimm mánuðum ársins, samanborið við 69 á sama tímabili árið áður og 62 árið 2017. 

Banaslysum hefur fækkað jafnt og þétt síðustu áratugina, eins og sjá má á kortinu að ofan, en svo virðist sem alvarleg slys standi í stað. Hefur því verið haldið fram að skýringuna sé meðal annars að finna í öruggari bílum, sem verði til þess að menn komist nú lífs af, með alvarlega áverka, úr slysum sem áður hefðu verið banvæn.

Þórhildur segir erfitt að draga ályktanir af fáum banaslysum það sem af er ári. Fjöldi banaslysa sé það lágur að dreifnin er mikil, þ.e. fjöldinn sveiflast nokkuð á milli ára. „Við sáum til dæmis óvenjufá banaslys árið 2014 [þegar fjórir létust] og vonuðum að það hefði einhverja þýðingu fyrir framtíðina,“ segir Þórhildur. Næstu ár á eftir hafi hins vegar álíka margir látist og fyrri ár.

mbl.is/Kort

Sem fyrr segir hafa að meðaltali 18,8 látið lífið í bílslysum á ári, það sem af er öldinni. Markmið stjórnvalda kveða á um að Ísland verði á meðal þeirra landa þar sem fæstir deyja í umferðinni miðað við höfðatölu. Þann lista toppa Norðmenn en 108 létust í umferðarslysum þar í landi í fyrra, og 106 árið áður. Jafngildir það því að sjö dæju á Íslandi, sem er töluvert undir meðaltali síðustu ára á Íslandi en gæti náðst í ár.

Ungir ökumenn betri en áður

Þórhildur segir ýmis jákvæð teikn á lofti í umferðarþróun. Nefnir hún sérstaklega fækkun alvarlegra umferðarslysa þar sem ungir ökumenn eiga í hlut. Fyrstu fimm mánuði ársins hafi slík slys verið fjögur, en þau voru átta á sama tíma í fyrra, og 26 fyrstu fimm mánuði ársins 2008 svo ýkt dæmi sé valið.

Þórhildur Elín Elínardóttir, samskiptastjóri Samgöngustofu.
Þórhildur Elín Elínardóttir, samskiptastjóri Samgöngustofu. Ljósmynd/Samgöngustofa

Segir Þórhildur að nú sé þjóðin að uppskera vegna þess aukna krafts sem lagður hefur verið í fræðslu ungra ökumanna, jafnvel löngu áður en þeir fá bílpróf. Þau, sem nú fá bílpróf, hafi fengið umferðarfræðslu frá unga aldri til dæmis í formi bóka fræðsluefnis frá Samgöngustofu sem send eru öllum grunnskólabörnum. Þá hafi ökuskóli 3, þar sem ökumenn fá að reyna sig við krefjandi aðstæður, verið kærkomin viðbót við ökunámið. 

Eins eru alvarleg slys, sem rekja má til áfengis- og fíkniefnaaksturs, mun færri í ár en undanfarið. Á fyrstu fimm mánuðum ársins var ekkert alvarlegt slys rakið til fíkniefnaaksturs og aðeins eitt vegna ölvunaraksturs, samanborið við fimm og átta á sama tíma í fyrra.

Slysin séu betri mælikvarði á tíðni ölvunar- og fíkniefnaaksturs en tölur um hve marga lögregla stendur að verki, enda ráðist þær af eftirliti á hverjum tíma.

Flest slys af mannavöldum

Þórhildur segir mikilvægt að hafa í huga að langflest umferðarslys megi rekja til mannlegra mistaka, sem oft og tíðum megi koma í veg fyrir með varfærnara aksturslagi. Mikilvægt sé að haga akstri eftir aðstæðum og fylgja hraðatakmörkunum. Þá bendir hún á að oft sé lítill ávinningur af því að keyra of hratt; aðeins þremur mínútum munar til að mynda á ferðalagi milli Reykjavíkur og Selfoss eftir því hvort ekið er á 90 eða 100 kílómetra hraða, þegar komið er út fyrir borgarmörkin.

Töluverð fækkun hefur orðið á slysum vegna framanákeyrslu, sem oftast stafar af misheppnuðum tilraunum til að taka fram úr öðrum bílum. Eftir stendur að mikið er um aftanákeyrslur, en þeim mætti fækka með því að huga betur að bili á milli bíla. Miðað er við að bil á milli bíla jafngildi um 4-5 sekúndum í akstri, en það eru 100-125 metrar ef keyrt er á 90. 100 metrar jafngilda bilinu á milli tveggja stika á þjóðvegum.

mbl.is

Innlent »

Vetraráætlun tekur gildi á morgun

17:35 Vetraráætlun Strætó tekur gildi á morgun og verða þá ákveðnar breytingar gerðar á leiðakerfi fyrirtækisins. Þetta kemur fram í fréttatilkynningu. Meira »

Heimsókn eftir sjö áratugi

17:30 Fjarlægð og tími fá ekki grandað fallegum vinskap vinkvennanna Ásu Jónsdóttur og danskrar æskuvinkonu hennar Anne Lise Caiezza. Nú, tæpum sjö áratugum síðar er Anne Lise loks komin í heimsókn til Íslands í fyrsta sinn. Meira »

Fékk áfall þegar hann sá myndbandið

16:35 Ugg setur að íbúum í Vesturbænum eftir að íbúi á Álagranda birti myndband af bréfbera sem reyndi að fara inn á heimili hans að næturlagi. Póstdreifing sá til þess að bréfberanum yrði vikið úr starfi. Meira »

Hvað viltu vinkonu minni?

15:50 „Fram að þessu höfum við ekki haft tækjabúnað til að kanna nákvæmlega hversu langt kríurnar fara, hvaða leiðir þær fara og hversu oft þær stoppa á leiðinni, ef þær stoppa þá yfirleitt, hvað þær eru lengi á leiðinni og hversu hátt þær fljúga, svo dæmi sé tekið.“ Meira »

Leit með kafbáti ekki borið árangur

14:50 Leit að líki belgíska ferðamannsins sem talinn er hafa fallið í Þingvallavatn í vikunni hófst að nýju klukkan níu í morgun og stendur enn yfir. Í dag hefur leitin einungis farið fram með litlum kafbáti eða neðansjávardróna sem stjórnað er af tveimur mönnum í báti. Meira »

Launahækkanir ríkisforstjóra „sláandi“

13:27 „Mér finnst mest sláandi við þetta hvað það er við fyrstu sýn mikið ósamræmi í launaákvörðunum eftir fyrirtækjum. Það er merkilegt að sjá að það virðist ekki vera nein samræmd stefna ríkisins hvað varðar þessi mál,“ segir þingmaður Viðreisnar, um launahækkanir ríkisforstjóra síðustu tvö ár. Meira »

Okjökull kvaddur með viðhöfn

12:48 „Í dag kveðjum við formlega jökulinn Ok en hann er fyrstur íslenskra jökla til að hverfa á tímum loftslagsbreytinga,“ skrifar Katrín Jakobsdóttir forsætisráðherra, sem í dag er viðstödd fjölmenna minningarathöfn um Okjökul í Borgarfirði. Meira »

Samband Íslands og Þýskalands

12:15 „Þessar heimsóknir leiðtoga Þýskalands leiða hugann að margþættu sambandi ríkjanna tveggja, Íslands og Þýskalands, sem á sér aldalanga sögu,“ skrifar Svana Helen Björnsdóttir í tilefni af komu Angelu Merkel Þýskalandskanslara til Íslands á morgun. Meira »

Skynsamlegra að RÚV sé á fjárlögum

08:48 Óli Björn Kárason þingmaður Sjálfstæðisflokks segir að það sé ef til vill skynsamlegt að leggja niður útvarpsgjaldið og setja starfsemi RÚV alfarið á fjárlög. Honum líst vel á að RÚV hverfi af auglýsingamarkaði, en segir það aðra umræðu hvort „bæta“ þurfi ríkisfyrirtækinu tekjutapið. Meira »

Leituðu að vopnuðum manni

07:32 Fjölmennt lögreglulið leitaði að vopnuðum manni í Breiðholti í gærkvöldi og í nótt, en um kl. 23 í gærkvöldi barst lögreglunni tilkynning um að maður væri á ferð í hverfinu með haglabyssu. Meira »

Eldur eftir flugeldasýningu í Hveragerði

07:24 Talsverður eldur kviknaði í gróðri í Hveragerði laust fyrir kl. 23 í gærkvöldi, við skotpall flugeldasýningar sem þar var haldin í tilefni bæjarhátíðar. Aldís Hafsteinsdóttir bæjarstjóri birti myndskeið af slökkvistarfinu. Meira »

Hyggst kæra ólögmæta handtöku

Í gær, 22:32 „Ég er hissa á lygunum sem lögreglan lætur frá sér og mér finnst mjög sárt að vera handtekinn fyrir það hver ég er en ekki fyrir eitthvað sem ég gerði. Ég hélt að slík vinnubrögð liðust ekki,“ segir Elínborg Harpa Önundardóttir, sem var handtekin fyrir meint mótmæli í miðri Gleðigöngunni fyrr í dag. Meira »

Leit með sónar skilaði ekki árangri

Í gær, 20:49 Leitin að belgíska ferðamanninum sem talin er hafa fallið ofan í Þingvallavatn hélt áfram í dag með köfurum, þyrlu og sónartækjum sem skönnuðu botninn þar sem það var hægt. Þetta segir Gunnar Ingi Friðriksson, formaður svæðisstjórnar björgunarsveita. Meira »

Ríkisstjórnin styrkir Reykjavíkurleikana

Í gær, 20:45 Ríkisstjórnin samþykkti á fundi sínum í gær að veita fjögurra milljóna króna styrk af ráðstöfunarfé sínu til Reykjavíkurleikanna sem haldnir verða árið 2020, en Íþróttabandalag Reykjavíkur hefur ásamt sérsamböndum innan Íþrótta- og Ólympíusambands Íslands og Reykjavíkurborg haldið Reykjavíkurleikana frá árinu 2008. Meira »

Bílstjóri Dr Strangelove

Í gær, 20:40 Á sjöunda áratugnum starfaði listamaðurinn Jón Valgeir Stefánsson sem bílstjóri í Berkeley, en meðal farþega hans var eðlisfræðingurinn Edward Teller, sem er að mörgum talinn faðir vetnissprengjunnar. Teller er fyrirmynd kvikmyndapersónunnar Dr Strangelove í samnefndri mynd Stanley Kubrick. Meira »

Vekur athygli á ofbeldi gegn börnum

Í gær, 20:20 Einar Hansberg Árnason lagði í gær af stað í hringferð til að styðja átak UNICEF á Íslandi gegn ofbeldi á börnum. Á einni viku, eða til 24. ágúst ætlar hann að stoppa í 36 sveitarfélögum og róa, skíða eða hjóla í sérstökum þrektækjum 13.000 metra á hverjum stað, einn metra fyrir hvert barn sem brotið er á. Meira »

Enginn hlaut 100 milljónirnar

Í gær, 19:38 Fyrsti vinningur lottósins gekk ekki út í kvöld en hann hljóðaði upp á rúmlega eitt hundrað milljónir króna. Fyrsti vinnungur verður því áttfaldur eftir viku. Meira »

150 milljónirnar „ótrúlegt bruðl“

Í gær, 18:52 „Það slær mann sem ótrúlegt bruðl,“ segir Bjarni Benediktsson, fjármálaráðherra og formaður Sjálfstæðisflokksins, í samtali við Ríkisútvarpið spurður um 150 milljóna króna starfslokasamning Arion banka við Höskuld Ólafsson, fyrrverandi bankastjóra bankans. Meira »

Metfjöldi á Ísdegi Kjörís í Hveragerði

Í gær, 18:37 „Þetta hefur gengið rosalega vel, alveg meiriháttar. Ég held við höfum sjaldan verið með jafn marga gesti og í dag,“ segir Guðrún Hafsteinsdóttir, markaðsstjóri Kjörís, í samtali við mbl.is um Ísdag Kjöríss sem haldin var í dag samhliða bæjarhátíðinni Blómstrandi dagar í Hveragerði. Lúsmísinn kom vel út. Meira »
Ég skal selja fyrir þig!
Fasteignir óskast á söluskrá....
Gisting við flugvöll...
Lítið og kósí sumarhús við lítinn flugvöll á kjarri vöxnu landi á suðurl. 2 nætu...
STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
Til sölu nokkrar fágætar bækur
Sjálfstætt fólk 1-2, frumútgáfur með kápum Ilions-kvæði 1856 Flateyjarbók,...