Með fíkniefni og vopn í bílnum

Lögreglan á Suðurnesjum hefur haft afskipti af allmörgum ökumönnum síðustu ...
Lögreglan á Suðurnesjum hefur haft afskipti af allmörgum ökumönnum síðustu daga sem gerst hafa brotlegir í umferðinni. mbl.is/Eggert

Lögreglan á Suðurnesjum stöðvaði ökumann í gærkvöldi vegna gruns um fíkniefnaakstur. Hvítt efni og kannabis fannst í bílnum sem og tveir hnífar og haglabyssuskot.

Þá fann lögregla kannabisefni í húsnæði í umdæminu þegar farið var í húsleit í gær að fenginni heimild. Í húsleit sem gerð var í fyrradag, að fenginni heimild, fannst svo umtalsvert magn af kannabisefnum.

Loks fann lögregla kannabisefni á eldhúsborði í heimahúsi, en þangað höfðu lögreglumenn verið kvaddir vegna heimilisófriðar.

mbl.is