Reyndi að flýja land og hnepptur í varðhald

Karlmaður sem grunaður er um að að hafa stundað kortaþjófnað hér á landi hefur verið úrskurðaður í gæsluvarðhald til 1. október. RÚV greinir frá því að lögreglan hafi ákveðið að krefjast gæsluvarðhalds yfir honum þegar í ljós kom að hann reyndi að flýja land. Landsréttur hefur staðfest úrskurðinn. 

Frétt af mbl.is

Kortaþjófar komnir aftur til landsins

Maðurinn er einn þriggja manna frá Rúmeníu sem gefið er að sök að hafa stundað kortaþjófnað hér á landi í fyrra. Menn­irn­ir stálu ís­lensk­um kort­um með kerf­is­bundn­um hætti og tóku sam­tals út af þeim um millj­ón króna í ís­lensk­um hraðbönk­um og versl­un­um.

Þeir voru hand­tekn­ir af lög­reglu 6. september síðastliðinn eftir að versl­un­ar­eig­andi á höfuðborg­ar­svæðinu gerði lögreglu viðvart en hann kannaðist við menn­ina. Talið er mögu­legt að menn­irn­ir hafi verið hingað komn­ir í sömu er­inda­gjörðum.

Þremenningarnir voru látn­ir laus­ir 7. september, en gert að til­kynna sig til lög­reglu þris­var í viku. 10. september fékk lögreglan tilkynningu um að einn mannanna væri á leið út landi með vél Icelandair til Amsterdam og var hann handtekinn rétt áður en hann gekk um borð í vélina. 

Héraðsdómari féllst á málatilbúnað lögreglu að ætla mætti að maðurinn myndi reyna að komast úr langi, leynast eða koma sér undan málssókn færi hann frjáls ferða sinna og var hann því úrskurðaður í gæsluvarðhald.

• Blogga um frétt