Lítið hlaup er enn í gangi í gangi í Skaftá. Að sögn Böðvars Sveinssonar, náttúruvársérfræðings hjá Veðurstofu Íslands, hefur rennsli haldið áfram að aukast lítillega og er nú um 304 míkróS/cm. „Vatnshæðin hefur líka aukist, en þetta er ennþá jafn rólegt,“ segir hann.
Hlaupið kemur úr Vestari-Skaftárkatli en síðast hljóp úr katlinum í ágúst 2018 og er því ekki búist við að um stórt hlaup verði að ræða.
Böðvar segir ekki hægt að sjá fyrir um það hvenær hlaupið nær hámarki, en þeim sem eru á ferð þar um er bent á að staldra ekki lengi við nálægt upptökum árinnar vegna hugsanlegrar gasmengunar. „Það verður stillt og fínt verður þar í dag og þess vegna höfum við meiri vara á,“ segir hann.
Fylgst verður áfram með gangi mála á Veðurstofunni.