Bílaleigur eru farnar að setja negld dekk undir bifreiðir sínar og jafnvel leigja þær út þrátt fyrir að ekki sé leyfilegt að aka um á negldum dekkjum fyrr en 1. nóvember.
Forsvarsmenn tveggja bílaleigna segja í umfjöllun um mál þetta í Morgunblaðinu í dag, að ómögulegt sé að skipta um dekk á öllum bílaflotanum á skömmum tíma og vilja undanþágu frá takmörkunum á notkun nagladekkja.
Dagur B. Eggertsson borgarstjóri segir hins vegar að það sé plága að allir bílaleigubílar séu á nöglum.