Atla Rafni dæmdar 5,5 milljónir í bætur

Héraðsdómur Reykjavíkur dæmdi í dag Borgarleikhúsið og Kristínu Eysteinsdóttur leikhússtjóra til þess að greiða Atla Rafni Sigurðarsyni leikara 5,5 milljónir króna í bætur og eina milljón króna í málskostnað vegna uppsagnar hans í desember 2017.

Frétt af mbl.is

Starfsfólki leikhússins hafi liðið illa vegna Atla

Málið höfðaði Atli Rafn eftir að honum var sagt upp störfum í Borgarleikhúsinu í kjölfar ásakana á hendur honum um kynferðislega áreitni. Fór hann fram á þrettán milljónir króna í bætur. Þar af tíu milljónir króna í skaðabætur og þrjár milljónir í miskabætur.

Fréttablaðið greindi áður frá niðurstöðunni en lögmaður Atla Rafns, Einar Þór Sverrisson, lagði meðal annars áherslu á það fyrir dómi að umbjóðandi hans hefði átt erfitt með að verja sig gegn ásökununum vegna þess að hann vissi ekki um hvað þær snerust.

Borgarleikhúsið. mbl.is/Kristinn Magnússon

• Blogga um frétt