Verktaki í Reykjavík segir bankana hafa dregið mikið úr lánum til uppbyggingar íbúða. Bankarnir kvarti undan skorti á lánsfé. Karl Kvaran, formaður Arkitektafélags Íslands, segir hafa dregið úr umsvifum arkitekta að undanförnu.

Vegna óvissu hafi nokkrar arkitektastofurnar fækkað starfsfólki. „Arkitektastofurnar eru orðnar varkárari. Þær vilja forðast sömu erfiðleika og eftir hrunið. Þá var mörgum stofum lokað og aðrar sögðu upp mörgum starfsmönnum.

Arkitektar vona að ef verkefnum í einkageiranum fækkar muni ríkið og borgin grípa inn með verkefni til að halda greininni og öðrum byggingargreinum gangandi,“ sagði Karl.

Önnur birtingarmynd kólnunar er að verktakar hafa lækkað verð nýrra íbúða í miðborg Reykjavíkur. Þá hefur Íbúðalánasjóður endurmetið áætlaða uppsafnaða íbúðaþörf. Hún var 5.000-8.000 íbúðir í byrjun árs en hefur minnkað í 3.900 til 6.000 íbúðir.

Í umfjöllun um mál þetta í Morgunblaðinu í dag segir Ásmundur Einar Daðason félagsmálaráðherra fyrirhugaðar aðgerðir ríkisins í húsnæðismálum munu auka framboð íbúða.

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir